影片
更多
2023-06-08
378 浏览
事源今日約左2個好耐冇見既朋友出銅鑼灣食燒肉放題見到openrice好多好評，諗住應該都可以試得過啦咁我就book左8點鐘，去到就揀咗一個＄336既餐 - 澳洲和牛放題，同埋加左幾十蚊要埋刺身放題，總之埋單每人計晒所有嘢＄400/位先講左食評入到去我第一個感覺係好大煙，因為間鋪坐得30%左右客，但係啲煙大到好似冇吸過咁，你話人多我都算啦，得個10檯都冇既客可以成間鋪都係煙坐低之後一路食都冇咩問題，食物質素好普通，某幾款肉都幾好食，不過普遍黎講我覺得唔值呢個價既，但係諗住黃店都冇咩所謂啦，貴出面小小我都接受到中間換左一次網，個條女都唔係好想換咁，換網拎走個下係我eye level飛過我都呆左呆，但係都體諒既可能做左好多個鐘個人好攰，我同自己講都唔緊要既，小事！去到10點，有個男店員就走埋黎同我地講仲有幾分鐘就夠鐘，佢既態度我自問食左咁多年放題燒肉打邊爐，真係從來都冇遇過，對話係咁我：男店員：：先生你地仲有幾分鐘就夠鐘喇喎，不過我睇你地都食唔哂架啦，見你地都浪費左好多食物，而家要按返重量收費（呆左）：eh.唔好意思啊，其實都剩左唔係好多，可唔可以比我地食埋佢？：緊係唔得啦，你地夠鐘架喇，最
事源今日約左2個好耐冇見既朋友出銅鑼灣食燒肉放題
見到openrice好多好評，諗住應該都可以試得過啦
咁我就book左8點鐘，去到就揀咗一個＄336既餐 - 澳洲和牛放題，同埋加左幾十蚊要埋刺身放題，總之埋單每人計晒所有嘢＄400/位
先講左食評
入到去我第一個感覺係好大煙，因為間鋪坐得30%左右客，但係啲煙大到好似冇吸過咁，你話人多我都算啦，得個10檯都冇既客可以成間鋪都係煙
坐低之後一路食都冇咩問題，食物質素好普通，某幾款肉都幾好食，不過普遍黎講我覺得唔值呢個價既，但係諗住黃店都冇咩所謂啦，貴出面小小我都接受到
中間換左一次網，個條女都唔係好想換咁，換網拎走個下係我eye level飛過我都呆左呆，但係都體諒既可能做左好多個鐘個人好攰，我同自己講都唔緊要既，小事！
去到10點，有個男店員就走埋黎同我地講仲有幾分鐘就夠鐘，佢既態度我自問食左咁多年放題燒肉打邊爐，真係從來都冇遇過，對話係咁
我：男店員：
：先生你地仲有幾分鐘就夠鐘喇喎，不過我睇你地都食唔哂架啦，見你地都浪費左好多食物，而家要按返重量收費
（呆左）：eh.唔好意思啊，其實都剩左唔係好多，可唔可以比我地食埋佢？
：緊係唔得啦，你地夠鐘架喇，最後幾分鐘你咪睇下食得幾多囉，總之剩左個啲就要收錢啦
：咁……好丫，一陣食剩個啲可唔可以比我打包拎走？
：冇問題，到時我磅完再打包比你拎返走
⋯幾分鐘後
：先生你都食唔哂架啦，我幫你拎入去磅返幾重先
：好…••唔該
…又幾分鐘後
：幫你打包好喇，呢度＄200
：下？呢十幾舊肉＄200？都幾貴喎
：你浪費食物丫嘛
咁我哋到底係唔係真係食剩好多野呢？
我唔知你地點諗，不過3條仔黎講呢度係末食哂既肉，因為佢個爐都燒得幾慢，所以最後last order都叫返多左，同埋冇諗過一到120分鐘就即刻唔比你燒，所以就剩左呢個份量
講真＄200買幾包煙都冇左，可能有人會話呢個係餐廳既規矩黎，不過講真我食過咁多間放題黎講，當然都唔少一夠鐘就會趕客走，我明佢地要趕收工，不過咁樣收我＄200話食唔哂所以要比錢就真係第一次，如果仲有人去食真係要小心，一到120分鐘即刻唔比你燒再同你
計錢
多數成班仔去食呢啲放題都一定瘋狂咁叫最後一定食剩野，我呢個份量已經要＄200，平時都唔知其他人會比佢罰幾錢
同埋佢個外賣係是旦包一包就算，我拎到返屋企成個袋都係血水，啲保鮮紙根本右包晒成盒肉，求其打個圈就算，咁樣屈我＄200條氣真係谷住谷住
仲要扔左張$200既單係個外賣袋度
如果仲要食呢間熊本燒肉既話千祈唔好食剩任何野，同埋千祈唔好一班仔去食因為99%會食剩，到時隨時千幾二千蚊埋單
张贴