影片
更多
2024-02-02
56 浏览
觀塘工廠區有好多台灣餐廳有牛肉麵食，不過呢間食得最舒服。以前喺觀塘返工，係會食呢間。不過未試過夜晚食，始終工廠區，雖然近APM，夜晚嘅人都係少啲，所以都好容易攞位。一場去到，都係要食返最出名嘅紅燒牛肉麵 ，同埋呢間分點宜家有火鍋食，其他分店無架，所以又要試下。睇下餐牌睇完就用QR Code落單啦！舖頭環境 牛腱牛肋條麵$85今次揀左粗麵，吸到好多湯，又唔會太腍。兩款口感嘅肉都試到。肉嘅份量都算多，牛腱起碼有四塊厚切，牛肋條都有三舊，都煮得夠腍又入味，唔會入口即溶，都要咬少少。湯底清再加少少豆瓣醬，好夠味，但唔會太濃，出面嘅簡介話湯底無味精，食完返到屋企，的確無係咁飲水。牛骨沙茶鍋套餐 $138+澳洲M7和牛後腿肉眼120g ＋$20+珍珠米飯試下觀塘分店獨有嘅火鍋，除左你叫嘅一碟肉之外，仲有一個蔬菜籃，同埋主食。今次叫左沙茶味，湯底係好濃台式沙茶味道，好似有少少蝦米味。牛肉浸落去好香好濃，係唔知咁香嘅牛肉，配咁濃嘅湯底，會唔會浪費左啲牛🐮不過唔加$20，呢度就得豬肉可以選擇。 菜籃都好豐富，有生菜、椰菜、粟米、
睇完就用QR Code落單啦！
舖頭環境
牛腱牛肋條麵$85今次揀左粗麵，吸到好多湯，又唔會太腍。兩款口感嘅肉都試到。肉嘅份量都算多，牛腱起碼有四塊厚切，牛肋條都有三舊，都煮得夠腍又入味，唔會入口即溶，都要咬少少。湯底清再加少少豆瓣醬，好夠味，但唔會太濃，出面嘅簡介話湯底無味精，食完返到屋企，的確無係咁飲水。
牛骨沙茶鍋套餐 $138
+澳洲M7和牛後腿肉眼120g ＋$20
+珍珠米飯
試下觀塘分店獨有嘅火鍋，除左你叫嘅一碟肉之外，仲有一個蔬菜籃，同埋主食。今次叫左沙茶味，湯底係好濃台式沙茶味道，好似有少少蝦米味。牛肉浸落去好香好濃，係唔知咁香嘅牛肉，配咁濃嘅湯底，會唔會浪費左啲牛🐮不過唔加$20，呢度就得豬肉可以選擇。
菜籃都好豐富，有生菜、椰菜、粟米、芋頭、芋絲，同半個番茄。仲有幾粒牛丸、貢丸同燕皮餃。真係打，就見到呢個火鍋好滿足。
炸澳洲和牛牛筋丸$40
呢個好特別，同一般丸一樣，無上粉炸，所以唔會做到好脆。不過牛丸炸完之後，外面變得好乾身，裡面因為和牛嘅油，變得好Juicy。對比大左，估唔到Juicy嘅丸，係咁適合炸嘅。
泡沫紅茶(凍)少甜、少冰$20
就係平時台式紅茶嘅味道，上面泡沫好滑，就算少甜都只係少少澀，幾好。
荔枝冷萃茶(凍)少冰$25
本身係少甜嘅，冷泡茶有淡淡茶香味，加少少荔枝香甜嘅感覺，但完全無熱茶攤凍嘅澀味，有下次。
小計：$328
服務費：$15.8
總計：$344
张贴
