影片
更多
2016-01-24
94 浏览
天氣凍最岩打邊爐同BBQ，呢兩樣一星期內已經做曬，今晚決定食一串串，貪佢每樣食材都細細份可以試多幾樣！不經意地搵到呢間開業冇耐嘅串燒店！餐廳位於旺角長沙街，其實近油麻地地鐵站多啲，A1出口行約5分鐘即可到達。我地6:30已經到左餐廳，但入到去見到好似未正式營業咁，而且未有客人，2位店員見到我地招呼我地坐低，解釋返原來今晚7點先開鋪🙈，於是招呼我地坐低同叫左野飲先，再慢慢睇下menu諗定食咩，服務好周到👍🏻 呢度舖頭細細，坐到20人左右，黑色牆身桌椅，夠簡潔，氣氛唔錯。傾下計，飲下野，睇下menu, 好快到7點可以落單啦！Menu上面選擇都幾多，由海鮮、豬牛羊雞、丸、菇、菜、瓜一應俱全。因為真係好肚餓，我地一口氣order左好多野！呢度即叫即燒，預左可能要等耐少少，不過上菜時間又比我地想像中快。10分鐘左右，野食逐一上枱啦👏🏻👏🏻燒翠肉瓜 $12翠肉瓜厚切，表面輕輕烤焦，灑上應該係五香/七味粉，入面保持多汁，感覺健康冇咁熱氣。芝心爆菇 $20個名好有趣，呢個item menu冇架，係今日餐廳嘅特別推介。其實係冬菇上面加上大量芝士去燒，燒到半熔流心，果然爆心！芝士燒生蠔 $72 4隻$72
不經意地搵到呢間開業冇耐嘅串燒店！
餐廳位於旺角長沙街，其實近油麻地地鐵站多啲，A1出口行約5分鐘即可到達。
我地6:30已經到左餐廳，但入到去見到好似未正式營業咁，而且未有客人，2位店員見到我地招呼我地坐低，解釋返原來今晚7點先開鋪🙈，於是招呼我地坐低同叫左野飲先，再慢慢睇下menu諗定食咩，服務好周到👍🏻
呢度舖頭細細，坐到20人左右，黑色牆身桌椅，夠簡潔，氣氛唔錯。傾下計，飲下野，睇下menu, 好快到7點可以落單啦！Menu上面選擇都幾多，由海鮮、豬牛羊雞、丸、菇、菜、瓜一應俱全。因為真係好肚餓，我地一口氣order左好多野！
呢度即叫即燒，預左可能要等耐少少，不過上菜時間又比我地想像中快。10分鐘左右，野食逐一上枱啦👏🏻👏🏻
燒翠肉瓜 $12
翠肉瓜厚切，表面輕輕烤焦，灑上應該係五香/七味粉，入面保持多汁，感覺健康冇咁熱氣。芝心爆菇 $20
個名好有趣，呢個item menu冇架，係今日餐廳嘅特別推介。其實係冬菇上面加上大量芝士去燒，燒到半熔流心，果然爆心！芝士燒生蠔 $72 4隻
$72有4隻原隻生蠔絕對抵！size唔大但夠鮮夠creamy, 芝士好多好濃郁，岩岩燒好，上枱時芝士仲係滾架！餃子雞翼兩隻$36
餃子雞翼脹卜卜好飽滿，雞翼皮燒得香脆，入面釀滿肉碎餃子餡，餡味調得不重，靠出面層燒汁吊味，甜甜地好味！原條燒鯖魚 $38
我地鍾意食燒鯖魚就係貪佢啖啖肉無咩骨，雖然肉質唔係嫩滑嗰啲魚🙊呢份鯖魚燒得好靚，魚皮燒得微焦甘香，用筷子輕輕撩開魚皮，見到白雪雪嘅魚肉仲冒著煙，加少少檸檬汁，襯熱食，如果唔係佢會變腥。
原條燒鰻魚 $58
真係原條上架！$58原條，超市買都應該買唔到😳！不過呢條翻熱得不夠，中間只係暖暖地，可以拎去再燒燒，好彩佢唔算薄身同膠質夠，加返分！連皮燒菠蘿 $18
連皮燒加上碟令個賣相靚好多！雖然菠蘿本身唔算甜而且有啲過算，但勝在夠juicy, 夠fresh!等下食下傾下計好快就過左2個幾鐘，埋單每人$200鬆d, 好飽好滿足！
张贴
