岳川串揚 (已結業)

今日同朋友去左間串揚店食lunch。唔好以為得串揚食，中午仲有唔同嘅lunch set，而且價錢都十分相宜🎏日式咖哩豚肉飯咖哩好香，唔辣，而且豚肉份量好多，帶有少少肥，一D 都唔乾唔柴。食咖哩另一個重點就係D 配料～薯仔，薯仔好淋好入味，仲加左D 芝麻調味，成碟食光光🎏和風照燒雞扒湯鳥冬呢個雞扒唔係hea 你搵個pan 香煎就算， 而係真係有燒過，可能呢D 就係串揚店嘅堅持，所以食得出唔油膩，有炭燒嘅香氣，而且外皮脆口，加埋D 照燒汁甜甜地，好開胃🎏燒茄子我地另外再加左個茄子串，好surprise 係有麵包糠喺面，外皮脆卜卜，而裡面嘅茄子好多汁好juicy，但茄子汁又無令外皮濕淋淋，口感好好，好推介👍🏻👍🏻🎏香脆雞翼雞翼非常juicy，肉質幼嫰，外皮脆口。調味都做得好好，一食就知本身隻雞翼唔係cheap 野，食得好開心😆