更多
2021-03-25
703 浏览
今次又约咗中环之友食饭，今次由佢发办拣餐厅，我就去到现场就得。到咗先知系成日喺IG见到嘅拾伍。店主之前葵广开服饰店，就算中环开店都继续坚持本业，所以四层嘅餐厅，二楼就系卖嘢；三楼系餐厅位；四楼系天台但同时有餐桌，不过都几多人帮衬。宫崎南蛮炸鸡弁当 $88最靓嘅打卡美食，以花布包裹住便当，慢慢打开再揭开木盒就系主食，有两个饭团、炸鸡、青瓜、沙律菜等等，望落好丰富，预返时间慢慢打卡。烟三文鱼牛油果蟹籽沙律 $97沙律一层一层嘅貌相十足蛋糕一样，加上鲜艳嘅蛋黄放喺顶层，一见到已经令人心情愉快，捣烂个蛋黄果下好治愈。Dirty Mocha $52一睇就知够脏脏，入口有香浓朱古力味同少少咖啡味，甜得嚟又唔腻，不过记得唔好用手拎起个杯，会整污糟只手呀。金丝黄菊雪梨茶 $88茶料用花花碟盛载，可以自己夹到玻璃茶壶之中再慢慢焗茶，令饮茶不止于茶的味道，亦可以慢活感受平常生活小细节。顺手去二楼睇，见到有衫同生活小物，大家可以食饱再shopping，或者下次经过斋买都得。现场仲有好多vintage装饰，不妨每一层慢慢睇、慢慢影。餐牌
今次又约咗中环之友食饭，今次由佢发办拣餐厅，我就去到现场就得。到咗先知系成日喺IG见到嘅拾伍。店主之前葵广开服饰店，就算中环开店都继续坚持本业，所以四层嘅餐厅，二楼就系卖嘢；三楼系餐厅位；四楼系天台但同时有餐桌，不过都几多人帮衬。
宫崎南蛮炸鸡弁当 $88
最靓嘅打卡美食，以花布包裹住便当，慢慢打开再揭开木盒就系主食，有两个饭团、炸鸡、青瓜、沙律菜等等，望落好丰富，预返时间慢慢打卡。
烟三文鱼牛油果蟹籽沙律 $97
沙律一层一层嘅貌相十足蛋糕一样，加上鲜艳嘅蛋黄放喺顶层，一见到已经令人心情愉快，捣烂个蛋黄果下好治愈。
Dirty Mocha $52
一睇就知够脏脏，入口有香浓朱古力味同少少咖啡味，甜得嚟又唔腻，不过记得唔好用手拎起个杯，会整污糟只手呀。
金丝黄菊雪梨茶 $88
茶料用花花碟盛载，可以自己夹到玻璃茶壶之中再慢慢焗茶，令饮茶不止于茶的味道，亦可以慢活感受平常生活小细节。
顺手去二楼睇，见到有衫同生活小物，大家可以食饱再shopping，或者下次经过斋买都得。现场仲有好多vintage装饰，不妨每一层慢慢睇、慢慢影。
餐牌
张贴
