影片
更多
2019-05-03
1077 浏览
真係好耐未試過咁開心，「好食唔貴」呢四個字喺香港地真係買少見少。能夠搵到一間合心水、有質素、價錢又合理既餐廳，就好似搵到一個好老公/老婆一樣（可遇不可求）哈哈😄！決定風流一晚，睇下有咩好食先！叫得風流，緊係從最正既野開始啦！餐廳最近引入塔斯曼尼亞海膽（味道較淡，同港人平日食開既馬糞唔同），配以新鮮松露/原味魚子醬，入口即溶，個人比較鐘意原味魚子醬，因為松露味道容易搶左海膽風頭。唔鐘意魚子醬既朋友，都可以配海葡萄架，同樣別有一番風味。壽司拼盤。每款得一粒咋，可以同朋友每樣都試D，款款都好新鮮，而我最鐘意吞拿魚。烤鵝肝。鋪上明太子，入口香醇無比喜歡香口野既我，點了烤牛舌。真係出乎意料之外啊OMG!!!! 一般好似放題既牛舌都係切薄烤口感有點香脆，但呢度牛舌係厚切，口感頓時變得軟糯綿密，甚至有點西式牛舌的感覺呢~牛肉壽喜燒。Sukiyaki一般湯底都偏甜，呢個好彩唔係好甜，牛肉係重點，油脂比例適中，入口即溶。香口怪出動啦！左邊：大蔥雞肉串，右下：雞屁股（第一次食，一D都唔騷嘿嘿）；右上：雞翼骨（香脆）海鮮味的麵豉湯。食到咁上下，餐廳師傅出黎同我傾計，佢好有耐性咁解釋菜品，包括呢個用蝦熬製而成
魚子醬配海膽
82 浏览
0 赞好
0 留言
壽司拼盤。每款得一粒咋，可以同朋友每樣都試D，款款都好新鮮，而我最鐘意吞拿魚。
烤鵝肝。鋪上明太子，入口香醇無比
喜歡香口野既我，點了烤牛舌。真係出乎意料之外啊OMG!!!! 一般好似放題既牛舌都係切薄烤口感有點香脆，但呢度牛舌係厚切，口感頓時變得軟糯綿密，甚至有點西式牛舌的感覺呢~
牛肉壽喜燒。Sukiyaki一般湯底都偏甜，呢個好彩唔係好甜，牛肉係重點，油脂比例適中，入口即溶。
香口怪出動啦！左邊：大蔥雞肉串，右下：雞屁股（第一次食，一D都唔騷嘿嘿）；右上：雞翼骨（香脆）
海鮮味的麵豉湯。食到咁上下，餐廳師傅出黎同我傾計，佢好有耐性咁解釋菜品，包括呢個用蝦熬製而成既麵豉湯，喂啊我覺得我今晚好有福氣，能夠向師傅級別人士取經，對於美食既知識層面又有進一步提升。鐘意煮飯仔既你，不防夜晚上去，邊食邊傾啊
甜品！YES！！作為一位港女，一餐飯點可以少的甜品呢？紅豆年糕我最愛，食過你就知道咩叫幸福！
雖然今晚係A La Carte，但原來風流居酒屋Lunch Set都好抵食，100幾一個餐。
平心而論，唔使一百蚊就可以食到有質素既日本野，仲要係銅鑼灣核心地帶，風流居酒屋可以列入我既Hidden Gem List。
大家睇下幾足料！！！
總括而言，餐廳安靜（客人都係靜靜地享受美食），性價比非常合理，期間限定菜式更加會令對方眼前一亮，帶來更多談資，風花雪月聊個天南地北，實在人生一大樂事也。久不久上去「風流」一下，離開時保證總是笑意盈盈的。
张贴
