中華一番 (已結業)

我不嬲對外省菜都好有興趣，見佢招牌寫住正宗廣西螺螄粉，配料有生菜、酸豆角、酸筍、炸腐皮、花生、木耳等等，豬骨湯底，不加味精，好似幾正，鋪面亦算企理，就叫碗小辣招牌螺螄粉。係等候期間，熱切期待螺螄粉究竟係咩樣架呢？碗嚟到...唓...原來即係米線...不過味道唔錯！湯夠熱酸度適中，香辣度都可以接受。配料爽口，米線亦軟硬適中，唔似出面嗰啲唔新鮮，好似隔夜淥定，讚！下次再試會叫埋豬手，特意一提，食嘅時候聽到疑似老闆娘講佢哋啲一囗粽嘅用料有幾新鮮，仲好似以前係等二度擺檔，日賣好多隻，亦好多熟客捧場，鍾意食粽嘅食家不妨試下！