影片
更多
2022-04-12
3462 浏览
❝Lunch Omakase（十五貫）❞ ($680 +10% → $748)〔水菜蕃茄〕先付，醬汁偏鹹酸。〔茶碗蒸〕好多鮨店會係茶碗蒸底層加入唔同食材，今次加咗白魚，面頭有三文魚籽，鮮味突出。〔青森平目魚〕五日熟成，外表晶瑩剔透，魚肉爽口清甜，配合梅醬令味道更開胃，符合第一貫壽司定位。〔金目鯛〕魚肉呈鮮嫩粉紅色，魚味唔算好有鮮味，但口感緊實有致。〔帆立貝♥︎〕配海藻鹽，師傅按帆立貝纖維用手撕開，令肉質更彈牙，而且厚身過一般帆立貝，滿足感100分～〔鰆魚〕 用上禾稈草輕燒魚皮。油脂滿滿，獨有魚味濃郁。〔石垣鯛♥︎〕咬落有魚油滲出，而且係咀嚼越耐越多魚油個種！黏口程度似墨魚。〔赤貝〕係石垣鯛後加插一貫爽口﹑鮮甜味美嘅壽司，有為中﹑後段壽司（較多油脂感較重嘅魚料同壽司）鋪排之感。〔天然深海池魚♥︎〕柚子胡椒量少但味道突出，一向係深海池魚fans，無可挑剔～〔昆布漬白蝦〕富山灣的hidden gem（比較出名可能係螢光魷魚？），以柚子皮做點綴。〔BB吞拿魚〕魚味偏淡但勝在夠嫩滑，同之後的赤身﹑中拖羅相映成趣。〔赤身〕十三日熟成，以醬油漬方法處理，酸度高，相當滑身。〔中拖羅〕無筋又柔軟，色澤紋路討好
〔水菜蕃茄〕先付，醬汁偏鹹酸。
〔茶碗蒸〕好多鮨店會係茶碗蒸底層加入唔同食材，今次加咗白魚，面頭有三文魚籽，鮮味突出。
〔青森平目魚〕五日熟成，外表晶瑩剔透，魚肉爽口清甜，配合梅醬令味道更開胃，符合第一貫壽司定位。
〔金目鯛〕魚肉呈鮮嫩粉紅色，魚味唔算好有鮮味，但口感緊實有致。
〔帆立貝♥︎〕配海藻鹽，師傅按帆立貝纖維用手撕開，令肉質更彈牙，而且厚身過一般帆立貝，滿足感100分～
〔鰆魚〕 用上禾稈草輕燒魚皮。油脂滿滿，獨有魚味濃郁。
〔石垣鯛♥︎〕咬落有魚油滲出，而且係咀嚼越耐越多魚油個種！黏口程度似墨魚。
〔赤貝〕係石垣鯛後加插一貫爽口﹑鮮甜味美嘅壽司，有為中﹑後段壽司（較多油脂感較重嘅魚料同壽司）鋪排之感。
〔天然深海池魚♥︎〕柚子胡椒量少但味道突出，一向係深海池魚fans，無可挑剔～
〔昆布漬白蝦〕富山灣的hidden gem（比較出名可能係螢光魷魚？），以柚子皮做點綴。
〔BB吞拿魚〕魚味偏淡但勝在夠嫩滑，同之後的赤身﹑中拖羅相映成趣。
〔赤身〕十三日熟成，以醬油漬方法處理，酸度高，相當滑身。
〔中拖羅〕無筋又柔軟，色澤紋路討好。
〔馬糞海膽♥︎〕秋山水產出品。份量多，鮮甜又綿密，滿足感200分～另外係依到首嚐紫菜，唔算頂級脆身，但都無變淋變軟。
〔手釣池魚♥︎〕來自淡路，口感紮實，個人極喜愛以薑蔥調味嘅壽司，輕輕𠝹開魚肉依個presentation好靚。
〔赤陸魚〕以備長炭輕輕一燒，魚油豐富。
〔鯖魚卷♥︎〕魚肉清甜細嫩，魚皮燒過後再加上昆布，整體配搭非常出眾，好有心思嘅一道菜！
〔干瓢卷〕 醬油煮葫蘆瓜，甜度頗高，口感爽脆（食到依到已經飽到捧住個肚）。
〔花甲麵豉湯♥︎〕內有三大隻花甲，無沙，鮮甜之餘比起蜆肉麵豉湯更享受到啖啖肉HAHAHA
〔開心果雪糕〕奶味偏濃，味道平衡得不錯。
𓃗
❋ 有♥︎ = 個人較喜歡嘅壽司/菜式
𓃗
舍利方面酸度偏低，米飯粒軟糯而有少少嚼勁，大概每四貫就會換一次舍利，保持微溫。自己未高境界到食得出舍利係咪同每款魚料都配合得宜，食落無違和感已經收貨。舍利啱口味嘅鮨店唔係咁容易搵，lucky～
𓃗
另外震師傅握功了得，每貫壽司都有微微沉降效果（見上一條reel），非常貼心會留意食客反應（到訪當日1:7），所有交流互動都恰到好處。
𓃗
$680價位嘅omakase選擇都唔少，而依個價錢做到15貫，話「抵食」應該都無人有異議。加上魚料質素﹑師傅功架﹑仲要唔算難book（weekend要接近2個月，weekday會易少少）依啲factor，成個package都係坊間少見嘅出色。
𓃗
PS蘿蔔異常好食，refill咗3 round都有⋯
𓃗
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♥︎♥︎♥︎♡
店舖環境 | ♥︎♥︎♥︎♥︎♥︎♥︎♥︎♥︎♡♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♥︎♥︎♡
適合場景 | 二人聚餐
𓃗
张贴
