影片
更多
2019-04-20
172 浏览
之前一直都垂涎鼎爺的高超廚藝，打算去他開的餐廳食飯，今晚終於抽到空同朋友來到中環的鼎會館一嚐其精緻的私房中菜。餐廳地點方便，位於皇后大道中，同中環地鐵站出口只距離一條街之遙。環境裝修新簇美觀，高尚有氣派，富有中式風格，連窗薕布也精心挑選了用水墨畫做背景，顯出精心佈置的心思。蚵仔卷，$128, 用炸豆腐皮卷住蠔仔 西芹 京蔥 潤腸等食材，鮮咁嫩滑，口感層次豐富，點喼汁一齊食味道好夾。花膠鮑參海鮮酸辣羹，$238/位，是用料較高檔的一道餸，花膠鮑魚海參切成粒狀，煙韌嫩滑，入口易咬有口感，味道偏酸，辣度適中，熱辣辣，黑色的碗外面仲寫咗鼎字，型格有氣派。琵琶黃金蝦，$428,擺碟賣相吸引，炸得黃金鮮艷，流沙蛋黃味道香濃，包满整隻蝦，滲入蝦肉當中，肉質彈牙爽口，蝦味鮮甜濃郁。順德巧手桑拿雞，半隻，$328, 即叫即蒸，雞肉切成薄片醃好，配上蟲草，木耳等一齊煮，底用荷葉墊住，蒸的時候令荷葉的香氣滲入雞肉，蒸得剛好熟，肉質軟稔嫩滑。懷舊臘腸野菌雞煲飯，$256, 用傳統瓦煲煮，一上檯就香氣散發，用料豐富，有雞肉，臘腸，冬菇，火腿肉等配料，油脂香味濃郁，飯粒煙韌香甜，撈埋一齊食唔會覺得油膩。蕃薯懷舊糖
餐廳地點方便，位於皇后大道中，同中環地鐵站出口只距離一條街之遙。環境裝修新簇美觀，高尚有氣派，富有中式風格，連窗薕布也精心挑選了用水墨畫做背景，顯出精心佈置的心思。
蚵仔卷，$128, 用炸豆腐皮卷住蠔仔 西芹 京蔥 潤腸等食材，鮮咁嫩滑，口感層次豐富，點喼汁一齊食味道好夾。
花膠鮑參海鮮酸辣羹，$238/位，是用料較高檔的一道餸，花膠鮑魚海參切成粒狀，煙韌嫩滑，入口易咬有口感，味道偏酸，辣度適中，熱辣辣，黑色的碗外面仲寫咗鼎字，型格有氣派。
琵琶黃金蝦，$428,擺碟賣相吸引，炸得黃金鮮艷，流沙蛋黃味道香濃，包满整隻蝦，滲入蝦肉當中，肉質彈牙爽口，蝦味鮮甜濃郁。
順德巧手桑拿雞，半隻，$328, 即叫即蒸，雞肉切成薄片醃好，配上蟲草，木耳等一齊煮，底用荷葉墊住，蒸的時候令荷葉的香氣滲入雞肉，蒸得剛好熟，肉質軟稔嫩滑。
懷舊臘腸野菌雞煲飯，$256, 用傳統瓦煲煮，一上檯就香氣散發，用料豐富，有雞肉，臘腸，冬菇，火腿肉等配料，油脂香味濃郁，飯粒煙韌香甜，撈埋一齊食唔會覺得油膩。
蕃薯懷舊糖水，$48/位，蕃薯香甜軟稔，入口即溶，糖水用黃糖煮成，甜度適中。
鮮榨蘋果汁，$48, 鮮榨雪梨汁，$38,用新鮮水果即榨，入口仲覺得有沙沙的水果肉，鮮甜可口。
张贴
