更多
2020-10-09
1338 浏览
继续分享我至爱嘅韩风美食！🤤除咗铁板三文治， 我仲好钟意韩国百味堂嘅牛奶雪糕！😍 去开韩国都应该食过百味堂雪糕，呢间老字号连锁甜品店已经开业超过50年～自2017年过江嚟香港开店后，Keep住都有定期推时令口味雪糕，好似今个10月，就推出两款限定口味雪糕，分别有红番石榴味及菠萝椰香味，经过见到，真系忍唔住入咗去试！▲百味堂会定期出限定口味雪糕。▲虽为韩国品牌，但装修感觉好日式呢！▲用雪糕筒做嘅灯座～几靓～佢哋虽是过江龙店，但质素Keep得返韩国水准！香港店嘅雪糕，同样用返韩国农场直送嘅有机牛奶制造架～每份雪糕都系用100%嘅有机奶制作，所以溶得超快，但质感份外幼滑，奶味又劲浓郁，真系会令人一试即爱上（非夸张）！✦胭脂红番石榴牛奶雪糕睇Menu就话呢款雪糕系用来自台湾嘅胭脂红番石榴整，上层系番石榴果肉及梅粉，下层有胭脂红番石榴汁及牛奶雪糕～！呢款真系超好味！胭脂红番石榴嘅果汁好清甜，同牛奶雪糕劲夹！😍食时伴随啖啖梅粉，味道好有层次感！不过，讲到唔好嘅位，我系麻麻地薄切番石榴，一片片咁薄食，咬上口无咩嚼劲，如果切粒，相信口感会好啲。✦菠萝椰香牛奶雪糕 呢款口味好似Pina Col
继续分享我至爱嘅韩风美食！🤤除咗铁板三文治， 我仲好钟意韩国百味堂嘅牛奶雪糕！😍
去开韩国都应该食过百味堂雪糕，呢间老字号连锁甜品店已经开业超过50年～自2017年过江嚟香港开店后，Keep住都有定期推时令口味雪糕，好似今个10月，就推出两款限定口味雪糕，分别有红番石榴味及菠萝椰香味，经过见到，真系忍唔住入咗去试！
▲百味堂会定期出限定口味雪糕。
▲虽为韩国品牌，但装修感觉好日式呢！
▲用雪糕筒做嘅灯座～几靓～佢哋虽是过江龙店，但质素Keep得返韩国水准！香港店嘅雪糕，同样用返韩国农场直送嘅有机牛奶制造架～每份雪糕都系用100%嘅有机奶制作，所以溶得超快，但质感份外幼滑，奶味又劲浓郁，真系会令人一试即爱上（非夸张）！
胭脂红番石榴牛奶雪糕
$78
33 浏览
0 赞好
0 留言
睇Menu就话呢款雪糕系用来自台湾嘅胭脂红番石榴整，上层系番石榴果肉及梅粉，下层有胭脂红番石榴汁及牛奶雪糕～！呢款真系超好味！胭脂红番石榴嘅果汁好清甜，同牛奶雪糕劲夹！😍食时伴随啖啖梅粉，味道好有层次感！不过，讲到唔好嘅位，我系麻麻地薄切番石榴，一片片咁薄食，咬上口无咩嚼劲，如果切粒，相信口感会好啲。
菠萝椰香牛奶雪糕
$88
29 浏览
0 赞好
0 留言
呢款口味好似Pina Colado，同样用菲律宾蜜糖菠萝酱，外加椰汁制成，底层配牛奶雪糕，真系超浓郁香甜！另外，我好钟意佢雪糕上嘅新鲜菠萝脆片，卖相好有亚热带风情，打卡唔错。然后，相比胭脂红番石榴，呢款味道会Creamy啲，味道系唔错，不过私心较钟意前者！😬
原味牛奶雪糕
$48
63 浏览
0 赞好
0 留言
两杯雪糕实在唔够喉，今次我仲再要多杯原味牛奶雪糕！🌝🍦
牛奶雪糕不重复讲，其实要原味筒装雪糕，仲有个原因系我超爱佢哋嘅雪糕筒！口感好香脆，有浓浓蛋香，而且唔会似平时食开嘅威化饼脆筒咁，一咬开就散晒，而系一片片断开～加上波浪形倒三角设计，令溶咗嘅雪糕无咁易漏出嚟，整个设计又好食又方便。
张贴
