入去坐低，見到十分多選擇menu，不免有選擇困難症，身為大佬既我唯有一錘定音，喊左個蜂蜜炸雞. 依個蜂蜜炸雞除左蜂蜜之外，點睛處其實是附在炸雞膚面的片片粟米片，可以見到份量落得幾重手，金黃的粟米片完全佔據左炸雞既表面，就好似另外一層表面一樣.
一食之下，可以感受到兩重既香脆，一重係好好好香甜的粟米片，另外一重就係炸得咸脆既炸雞皮，咀嚼既時候仲感受到粟米皮同嫩滑既雞肉，又嫩又脆，非常之好味.
甘岩我地除左炸雞控之外，仲有末期既甜品控，佢完全唔理我地，就點左個明洞咖啡綿花冰，甘我地本身唔知係咩野黎，不過黎到就開始眼睛發光，因為佢賣相好特別，原來係外面罩著一大團棉花糖，雪糕球和刨冰隱伏其下，但只要我地將咖啡和煉奶倒在上面，棉花糖就會融化，和雪糕同刨冰融為一體，個過程好好玩
棉花糖融下後，棉花糖，香濃的咖啡，煉奶，雪糕，刨冰融為一體，一匙全部食哂，感覺口感好特別，甜度頗重，但我幾鍾意個種咖啡香，可以中和番. 依個甜品睇得食得，相當滿意，想不到除了炸雞外，這家野的甜品都幾有水準.
