DOJE (已結業)

最近行開發現 K11 Musea 都開咗幾多新嘢，餐廳好多都好靚好吸引，不過一個人食就想試下輕食多過一餐廳，所以去咗B2 嘅 foodcourt，第一次去B2發覺選擇幾多，最後畀呢個賣相幾靚嘅腐皮壽司吸引咗﹗外面有好大張嘅枱畀你即場食﹗/ 呢間韓國過江龍 DOJE主打唔同特色腐皮壽司，買完喺小店嘅外面亦都有好大張枱畀你慢慢享用。我自己就揀咗蒲燒鰻魚 、雪花牛扒、三文魚同埋新口味韓式醬油蝦 /[ 蒲燒鰻魚 ]呢度嘅腐皮壽司特別嘅地方係Size超巨大，我食4件已經飽到傻咗﹗4件入面我No 1鍾意鰻魚，照燒汁好味又好香，又唔會太甜，鰻魚砌做細細粒，size啱啱好又好易入口，魚肉都嫩﹗[ 雪花牛扒 ]雪花牛扒嘅牛比想像中更彈牙，肉質唔會粗糙，調味都啱啱好。順帶一提佢哋嘅壽司飯係撈咗飯素，飯嘅軟硬濕度都控制得幾好，配埋飯素裡面就冇咁Dry💫即使下一啖剩係腐皮同飯都有夠味﹗[ 三文魚 ]三文魚好滑，冇筋，而且有葸碎點綴，亦都有輕輕調味，即使唔點豉油都有淡淡嘅咸味，相信火炙過油脂味再出啲，可能仲好味﹗[ 韓式醬油蝦 ] （新口味）醬油蝦呢個選擇本身有少少冒險心態，估唔到都幾creamy，又唔會太咸，