三餸麵 $38 (凍檸茶加 $8) - 牛筋、冬菇、大腸配牛腩汁跟油麵
牛肉湯底非常濃郁，一d都唔油膩，入口感覺有藥材味道，好味！油麵爽口彈牙，唔會有油饐味，牛筋好膠、冬菇厚實、大腸超腍，全部都入味，讚！另外檸茶無冰唔會變淡，有檸味又唔會太甜，不錯。
三餸麵 $38 (汽水加 $8) - 魚腐、豬腩肉、大腸配牛腩汁跟粗麵
粗麵爽口吸湯一流，魚腐有口感、腩肉肥瘦平均，全部都可一試。
經典韮菜豬紅 $20
豬紅唔會一夾就散，有少少煙韌口感，入味兼味濃，份量唔少非常抵食。
孜然鷄搥 $28
得意之作，鷄搥面包了雲吞皮，香脆可口，咬落有鹼水味之餘亦不失孜然味，多重味道同口感，而且鷄肉炸完仲有肉汁，不錯小食！
二人共消費: $140
