哥哥添飯•妹妹泡茶

营业中

休息中

暫時未去到旅行，就去食吓台灣嘢，解一解旅行癮。鍾意食香口嘢，所以就點咗個蜜糖芥末蛋黃醬炸雞配飯。果然不負我所忙，真係非常好食！炸雞唔單止炸得外脆內軟，唔會過油，而且蜜糖芥末蛋黃醬，調味剛剛好，唔會太辣，或者太甜，味道剛好可以解炸物嘅油膩。真係食多一碟都仲得！而芋圓烏龍奶茶亦都好出色。雖然要加26蚊，但係物超所值。因為芋圓係手工制，食落煙煙韌韌，而且芋圓煮得啱啱好，唔會太生成口粉又唔會太冧成口漿糊咁。烏龍茶底都好夠味，正。我仲叫咗一個混一色綜合手工芋圓。有好多餡，除咗芋圓，仲有紫薯圓，地瓜圓，紅豆，愛玉凍同蘆薈。食一碗就有齊咁多嘢，啱晒貪心乜都想食少少嘅我！總括嚟講呢度食物質素高，坐得都幾舒服，真心唔錯。