影片
更多
2017-11-04
179 浏览
和QC二人亂咁行之下憑直覺貢左入呢間店度貪其望落細細間卻有種親切感，原來是受美食呼召既感應。我叫左個黑松露炸魚漢堡加薯條，尐黑松露醬多到可以用埋嚟點薯條食係乜野玩法？所有野新鮮整起，炸魚肉質口感都食得出新鮮富彈性，黑松露醬據聞係店家自製，夠晒香同惹味點薯條（仲要係粗身）真係無得輸，下次再嚟一定會食佢個黑松露薯條。QC叫左個虎蝦冬蔭功意粉如果跟返原來寫既扁意粉可能更開心，但個冬蔭功湯做得唔錯，有人乾晒成碗真係湯都飲晒，係開胃既。兩個人食完其實已經飽左大半，但甜品實在太吸引，本住係另一個胃既心態當然要食埋。老闆大力推薦下，QC㨂左楊枝甘露，結果證明係good choice呂宋芒夠香唔會酸到喊，西柚肉夠水份得嚟同樣唔太酸，成個配搭真係恰到好處，好食到我都好想幫佢食晒...但我自己都點左個tiramisu，形狀有驚喜之餘，味道都唔錯，最好係有酒味得嚟唔會太過份，食落都無話覺得俾酒浸到淋晒，個自家製雪糕口感幾特別，有少少似雪芭既質地，又真係有自家製既感覺。相對楊枝甘露係無咁驚喜既，但已經算係唔錯既作結。特別鳴謝店家熱情招待之餘仲請左我地一人食一粒益力多磚仔，個人認為喺前兩者既出色表現下，呢個真係
我叫左個黑松露炸魚漢堡加薯條，尐黑松露醬多到可以用埋嚟點薯條食係乜野玩法？所有野新鮮整起，炸魚肉質口感都食得出新鮮富彈性，黑松露醬據聞係店家自製，夠晒香同惹味點薯條（仲要係粗身）真係無得輸，下次再嚟一定會食佢個黑松露薯條。
QC叫左個虎蝦冬蔭功意粉如果跟返原來寫既扁意粉可能更開心，但個冬蔭功湯做得唔錯，有人乾晒成碗真係湯都飲晒，係開胃既。
兩個人食完其實已經飽左大半，但甜品實在太吸引，本住係另一個胃既心態當然要食埋。老闆大力推薦下，QC㨂左楊枝甘露，結果證明係good choice呂宋芒夠香唔會酸到喊，西柚肉夠水份得嚟同樣唔太酸，成個配搭真係恰到好處，好食到我都好想幫佢食晒...但我自己都點左個tiramisu，形狀有驚喜之餘，味道都唔錯，最好係有酒味得嚟唔會太過份，食落都無話覺得俾酒浸到淋晒，個自家製雪糕口感幾特別，有少少似雪芭既質地，又真係有自家製既感覺。相對楊枝甘露係無咁驚喜既，但已經算係唔錯既作結。特別鳴謝店家熱情招待之餘仲請左我地一人食一粒益力多磚仔，個人認為喺前兩者既出色表現下，呢個真係貪口痕試下就算。
下次最想試係拎上枱唔準影相既梳夫厘，店家話最多佢提供相俾我po喎。
张贴
