日式料理嘅私房菜都係第一次食😇
無意中發現到呢間日式高級料理店嘅午市套餐性價比都幾高😛
呢個週末就同朋友過咗去食❣️
一開波就比佢地嘅前菜驚艷到🤩
花膠果凍✨
花膠雞湯果凍版😛充滿骨膠原同鮮味🤤
茶碗蒸✨
蟹膏蟹肉嘅滑溜茶碗蒸，每一啖都好矜貴🤤
底下仲有啲好甜嘅栗子，越食越有驚喜💓
鯛魚湯✨
用左黃腳立同鯛魚頭熬製嘅奶白色魚湯，鮮甜都飲到一滴都無剩🤤
蟹黃磯煮鮑魚 伴日本花山烏冬✨
鮑魚用左鮑魚肝黎磯煮🤓
醬汁鮮甜香濃嘅鮑魚煮到軟嫩到一咬就咬得開😚
底下嘅蟹黃、蟹肉係用咗皇帝蟹😜
驚喜地係香港都食到花山烏冬😍
用蟹膏蟹肉黎拌布烏冬食實在太邪惡啦😈
刺身定食（6點）✨
大拖羅脂肪分佈平均兼無筋，肥美到入口即溶🤩
油甘魚肉質細緻幼滑，滿滿魚油香🤩
深海池魚食落有清爽嘅口感，同時食到魚肉甘甜嘅味道🤩
鰈魚相對地比較罕見，口感鮮甜爽口相當特別🤩
赤蝦口感爽彈，蝦味濃郁，啖啖肉夠晒滿足🤩
帶子厚肉又細嫩，味道鮮甜可口🤩
聽店員介紹，佢地晚市有做客人發辦😆
廚師發辦就聽得多，客人發辦好似好過癮咁，下次要再黎幫襯先得😌
曜 (銅鑼灣)
銅鑼灣登龍街28號永光中心16樓
