炉端金

食到成肚氣，刺生好多都有雪味鰻魚飯多油到食唔到，梅酒甜到飲完會“辣”口，唔敢飲，驚飲完有糖尿病，擺盤更是毫無技巧、心機，味道已經唔掂連個樣都唔得真係擺唔落口，相都唔想影，呢個價錢真不應該，仲衰過百幾蚊位果D，同我上年食時完全唔同，變曬質，走時有同個男服務員反應以上問題，希望有改善，如果唔係遲早倒自己米，好難再維持落去，雖然今次銀聯有8折，但我情願佢無折但D食物有返上年嘅質素，隔離檯有兩公婆食到發脾氣食到一半埋單走人，個老公同個類似經理嘅男士反應問題，佢好串咁叫佢地下次去D再高級嘅地方食
#唯一雪糕值得食