日本野 (已結業)

喺日本野度食嘢真係幾開心，特別鍾意係佢個和牛壽喜鍋，賣相好之餘，和牛亦都好大份好大片，再配埋一碗加左漬物嘅飯，一啖牛肉，一啖湯嘅香味，再一啖飯，係幾開心😊自己本身都係旺角嗰邊返工，收工嘅時候就去始創中心搵嘢食，然後因為黃藍地圖嘅關係，就嚟咗日本野度食。入到去嘅時候，餐廳分開咗兩部份，入邊是做西餐廳，另外一邊是做日本餐廳。我叫咗個和牛壽喜燒晚餐食，二百幾蚊，自己覺得價錢都尚算可以，因為和牛都幾大塊，而且成個餐有埋飯，有埋飲品，都算幾抵食。滾好嘅牛肉，大大塊，一啖過，再撈埋飯一齊食，飯仲有漬物，開胃。之後我叫咗一客海膽食，海膽應該係來自加拿大，因為北海道海膽唔係咁嘅味道，如果問我嘅話，海膽都算還可以，但就唔會係入口即溶嗰種。