樂農 (已結業)

出街食飯，最怕食到D又多味精又咸又多油的食物。上網搵過資料，最後試下樂農這間素食餐廳，標榜所有食物係少糖、少鹽、少油及零味精。樂農為一社企，服務員之間會用手語溝通，下單時需要講大聲D或手口並用的以身體語言在餐牌上點菜。雪耳南瓜羹，南瓜非常香濃，羹亦好滑，正。生菜包，蓮藕粒加松子仁，好爽好好咬感，讚。樂農黑松露炒飯，非常驚喜，果然係廚師推介，飯炒得好乾身好爽，黑松露非常香，再配松子仁、西芹粒，好感動。份量足以四個人食飽，而且食都低真係無乜油。農場蛋白炒西蘭花，西蘭花大大粒，好新鮮，配上香滑蛋白，正。提示：所有食物的份量為家庭式，人少的話請"量食而點"。