本真東后齋 (已結業)

老公仔生日想食素菜, 但又唔想食太傳統的....經朋友介紹來左改革後的既"本真東后齋"~四川加粵菜...真係要試試 交通方便, 一出銅鑼灣站行2-3分鐘就到...上到去餐廳, 裝潢雅致!一坐底即刻叫左個餐前小吃"椒鹽金菇"....好似食緊炸薯條但健康好多！"杏汁菜膽榆耳湯"味道非常濃郁！本人係杏汁豬肺湯冧巴溫粉絲，以後可以用呢湯代替了終於上火辣辣嘅"四川水煮魚"啦一上枱未食已經聞到濃濃香噴噴嘅麻辣味！老公仔一路食，一路抹汗，一路話正！香口三色拼盤⋯三種不同味覺口感，唔開估係乜東東，大家去食下就知!令一摯愛'石鍋有機小米松茸飯'⋯⋯用石鍋上非常夠熱，有少少飯焦食落好有口感！餐廳非常有心，知道我哋有人生日，送上"福祿壽包"⋯中間嘅七色花太靚啦，差啲食埋落肚(服務員及時制止)原來係裝飾品！最後上嘅就係神秘甜品，餐牌都仲未有"椰汁杞子雪燕糖水"⋯⋯口感同食燕窩冇分別好正！