桃園小品 (蘇豪東) (已結業)

帶囡囡去西灣河補習，有個半小時，的確要搵個地方坐下嘆個下午茶。係街望入呢間食店，門面幾吸引，舖內裝修幾好，加上呢個時間裏面較少人，可以靜靜地坐下食下嘢。餐牌封面是這一頁。我喜雞扒，所以唔洗諗，就叫咗右上角既香煎雞扒麻酸辣米線配凍檸茶。加埋$44蚊，可以咁樣休息下個幾鐘，同食得幾飽，都算咁上下。好過去附近間星巴克坐，之前試過坐，只係杯咖啡都三十幾蚊，同埋地方較暗較窄及多人，真係多人，我覺得唔自然。呢度樓底高坐位舒服，坐得耐都ok，加上今日天氣幾好，太陽光充夠棈神。餐牌餐具都清潔食物方面都正正常常無咩可以彈。杯檸茶味酸甜度調配得幾好，好飲。米線湯底好好，應該加了味精，不過正常既。雞扒抵讚，嫩滑夠juicy，夠厚肉。夠晒飽肚。