鮨真 (已結業)

今日好姊妹生日，同佢識咗咁多年，點都要同佢食餐好嘅！前排喺係邊食完飯咁啱見到呢度有間日本嘢，就決定咗嚟試吓啦！好好彩有窗邊位坐丫，可以一邊望住靚維港睇住幻彩詠香江一邊食好嘢！打開餐牌叫咗了個set，入面有前菜、廚師發板壽司、湯、甜品；另外仲叫咗個特上壽司什錦拼。嚟啦嚟啦！前菜：按山藥、火龍果啫哩同海膽豆泥嘅次序嚟食，山藥好爽口，火龍果啫哩甜甜哋，枝豆豆泥好滑，加埋海膽好食好fresh!壽司嚟啦！當中左口魚同八爪魚已經落咗鹽啦，唔使點豉油，直接食仲鮮味。第一次食新鮮鯖魚，好食過燒嘅好多好多倍！白蝦好爽甜啊。係我最鍾意食嘅金鎗魚腩啊！充滿魚油入口即溶！魚湯，充滿魚味之餘，鮮味十足口感香滑無比！最後仲有兩款雪糕，綠茶雪糕、柚子雪糕，綠茶香濃，柚子食落好清新，仲有果肉。