更多
2020-11-07
765 浏览
因为喺附近返工就决定Happy Friday嚟打边炉！咁啱上网见到有个<胡椒猪肚包住鸡>嘅套餐，每人只需要$98位，就即刻打电话book放工食！位置喺世贸附近，都算易揾。楼梯位有啲投影，感觉几有design几靓。因为唔算多人加book咗枱，一去到就直入坐低，职员都好贴心话帮我哋准备个胡椒鸡先场内好多周杰伦嘅画同海报，仲有个大mon播MV。听讲老板同周杰伦系朋友，因为周杰伦去边都想打边炉，所以就inspire咗佢开间火锅店🧐个锅、筷子座、垫碗嘅布同调味料嘅羹都系音乐相关😂职员话要饮咗头啖汤先，然后等个猪肚煲半个钟之后先至食。据称个汤系冇落味精，饮落都真系好有鸡味，冬天饮胡椒猪肚汤个人就好暖笠笠！正啊！原来猪肚入边有只鸡髀，等佢煲半个钟之后就可以剪开嚟食！猪肚洗得好干净都好厚肉，鸡髀煲得咁耐啲肉都唔算鞋口，有惊喜！而且refill汤底嘅系鸡汤唔系水，我哋都不停饮汤！个set包咗个自家手打丸，有芝士牛丸、虾丸同鹅肝酱丸。丸类都好弹牙，好食过一般火锅店嘅丸！不过每款按人头得一粒，有啲意悠未尽。是日最正就系set嘅牛舌！只需要焯一焯就已经食得，劲好食！又大盘！推荐！Set包嘅呢个
咁啱上网见到有个<胡椒猪肚包住鸡>嘅套餐，每人只需要$98位，就即刻打电话book放工食！
位置喺世贸附近，都算易揾。
楼梯位有啲投影，感觉几有design几靓。
因为唔算多人加book咗枱，一去到就直入坐低，职员都好贴心话帮我哋准备个胡椒鸡先
场内好多周杰伦嘅画同海报，仲有个大mon播MV。听讲老板同周杰伦系朋友，因为周杰伦去边都想打边炉，所以就inspire咗佢开间火锅店🧐
个锅、筷子座、垫碗嘅布同调味料嘅羹都系音乐相关😂
职员话要饮咗头啖汤先，然后等个猪肚煲半个钟之后先至食。
据称个汤系冇落味精，饮落都真系好有鸡味，冬天饮胡椒猪肚汤个人就好暖笠笠！正啊！
原来猪肚入边有只鸡髀，等佢煲半个钟之后就可以剪开嚟食！猪肚洗得好干净都好厚肉，鸡髀煲得咁耐啲肉都唔算鞋口，有惊喜！
而且refill汤底嘅系鸡汤唔系水，我哋都不停饮汤！
个set包咗个自家手打丸，有芝士牛丸、虾丸同鹅肝酱丸。丸类都好弹牙，好食过一般火锅店嘅丸！不过每款按人头得一粒，有啲意悠未尽。
是日最正就系set嘅牛舌！只需要焯一焯就已经食得，劲好食！又大盘！推荐！
Set包嘅呢个手切牛都唔错，有厚度，唔会食完好似无食咁。
Set仲包咗呢个七色蔬菜盘同乌冬，蔬菜盘排得好靓，无因为呢个系平set就摆得好hea。
个萝卜同茼蒿都好好食，放落鸡汤度一流！
个set就包咗以上嘅食物，虽然份量唔算多，个乌冬仲好似得一人份咁，但啲食物质素系食得出嘅高质，而且职员都好殷勤，态度好好。
其实斋食个set系唔饱，我哋再散嗌咗嘢食。
听讲个手打牛丸好出名，所以我哋都想试吓，觉得都弹牙但系牛味唔算好出。反而觉得个set嘅丸类拼盘比较有惊喜。
另外仲嗌咗羊肉片，因为锅底有鸡，而且都食咗牛，就打算嗌羊。但价钱都算贵一碟百几蚊得8块。。。羊肉片唔算好膻但都普通。
火锅必备嘅老油条！上面有啲虾滑同蟹子，职员同我哋讲煮2至3分钟就OK。
呢个真系老油条煮左2至3分钟都完全唔谂，仲系好脆口
打边炉就梗系要嗌嘢饮啦！听讲呢度嘅台式奶盖饮品好出名，但打边炉都系想饮啲冇咁heavy嘅饮品。最后嗌咗个Red Bon Bon，入面有火龙果冰、雪葩、青柠，好fresh！
虽然最后埋单四个人食咗$1100，但呢度环境好坐、食物质素高、职员服务态度好殷勤，所以都系一次满意嘅dinner🙌🏻
张贴
