影片
更多
2021-10-10
67 浏览
露面 - 性價比醫肚之選 適合三五知己吃飯的好地方前兩日同朋友黎到灣仔想尋覓可醫肚嘅餐點。我地行入一間叫「露面」嘅餐廳坐低，店內環境比較闊落，而員工態度都好友善，我地嗌左店內比較招牌嘅食物。油潑辣子biangbiang麵（小辣） $55之前係其他地方都食過呢種biangbiang麵，但係呢次帶俾我截然不同的口感體驗。作為陝西傳統嘅麵食，呢種麵一般而言係偏香辣及微甜嘅，呢種口感對於油潑辣子嘅用料同麵條嘅麵質十分講究。我同朋友都唔太食得辣，所以嗌咗小辣諗住俾胃舒服啲。嗌餐約莫十分鐘後油潑麵上檯，油潑辣子用咗肥瘦相間嘅肉作為用料，入口肉香味四溢。值得一提嘅係辣味同甜味中和得幾好，唔會彼此蓋過味道。口感都較綿密厚實，令人有種啖啖肉嘅感覺。麵質亦都非常彈牙，比較有咬口，連埋啲汁一齊下肚，唇齒留香。鎮店蟹黃拌麵 $98蟹黃拌麵係間鋪頭嘅招牌，先講個麵質，非常有咬口偏向北方口味。重點係個蟹黃，分量足足有成碗，入面有蟹黃、蛋黃、蟹肉同醬料，而蟹黃睇上去個比例就偏多，加上成碗金黃色淨係個賣相已經令人食指大動了。蟹黃質地厚身，撈埋啲麵食落口感有少少似日式沾麵，食落好有滿足感。入到口，蟹香十足，每舊蟹黃蟹肉
前兩日同朋友黎到灣仔想尋覓可醫肚嘅餐點。我地行入一間叫「露面」嘅餐廳坐低，店內環境比較闊落，而員工態度都好友善，我地嗌左店內比較招牌嘅食物。
油潑辣子biangbiang麵（小辣） $55
之前係其他地方都食過呢種biangbiang麵，但係呢次帶俾我截然不同的口感體驗。作為陝西傳統嘅麵食，呢種麵一般而言係偏香辣及微甜嘅，呢種口感對於油潑辣子嘅用料同麵條嘅麵質十分講究。我同朋友都唔太食得辣，所以嗌咗小辣諗住俾胃舒服啲。嗌餐約莫十分鐘後油潑麵上檯，油潑辣子用咗肥瘦相間嘅肉作為用料，入口肉香味四溢。值得一提嘅係辣味同甜味中和得幾好，唔會彼此蓋過味道。口感都較綿密厚實，令人有種啖啖肉嘅感覺。麵質亦都非常彈牙，比較有咬口，連埋啲汁一齊下肚，唇齒留香。
鎮店蟹黃拌麵 $98
蟹黃拌麵係間鋪頭嘅招牌，先講個麵質，非常有咬口偏向北方口味。重點係個蟹黃，分量足足有成碗，入面有蟹黃、蛋黃、蟹肉同醬料，而蟹黃睇上去個比例就偏多，加上成碗金黃色淨係個賣相已經令人食指大動了。蟹黃質地厚身，撈埋啲麵食落口感有少少似日式沾麵，食落好有滿足感。入到口，蟹香十足，每舊蟹黃蟹肉個大細有分別，加上食落去明顯感覺到係從新鮮蟹入面人手取出黎。另外店家仲會好細心咁配埋蟹醋，想個味道更加貼近我哋平時食蟹嘅感覺嘅可以點少少試下，當然淨係個蟹黃本身嘅香味已經好夠，綜合睇佢嘅價錢、分量同質素，cp值好高推薦大家去試下。
蜂蜜百香果茶（少冰少甜） $24
蜂蜜百香果茶都好好飲，唔係啲糖水味死甜，而貼近百香果本身酸味多過甜味嘅水果味，同蟹黃拌麵好夾，酸甜解膩。
滑溜溜香芋鮮奶（微甜）$28
呢間同出面飲過嘅芋頭鮮奶唔同嘅地方，就係恰到好處嘅甜度，唔會好似出面啲餐廳或者手搖店，就算嗌左微糖都仲係可以好死甜，呢點對於想保持健康或者想減肥嘅人黎講絕對係加分位。芋頭蓉打到好綿密，老實講我覺得呢杯落肚都會有啲飽腹感，非常適合女仔嘅小鳥胃。
最後講下環境啦。整體環境都好寬敞光猛，坐落係好舒服嘅。每張台之間亦都設立左圍板令人坐得十分安心。而員工態度亦都十分之親切，令我地覺得如沐春風，價格亦都相宜，呢間餐廳不失為一個值得下次再黎嘅相聚之地。
张贴
