圍爐取暖

营业中

休息中

呢間火鍋店好有特色，採用露營風格，有户外feel得黎可以邊嘆冷氣邊打邊爐，幾正！坐住露營櫈圍埋一齊打邊爐，真係如其名好有圍爐取暖嘅感覺。有別於一般好嘈嘅火鍋店，呢度環境寧靜播住歌仔咁幾好。食材都好高質，花膠雞真材實料！(每日限量只有20份架乍！)花膠雞濃湯(半隻) $298勁大勁厚肉嘅花膠！雞都好大份！半份雞同成份花膠攤哂出黎比你睇先再落鍋，肯定足料！滾左花膠後，先食花膠同飲湯，之後再食雞。個雞一上枱已經7成熟，落鍋後3-5分鐘就食得！雞湯好香好濃郁，有啲金華火腿味添，好正呀！正因為雞已經先處理過，所以完全冇煲老雞情況，肉質又滑又嫩口！伊比利亞橡果豬 $168豬肉片肥瘦適中，油脂分佈均勻，入口真係幾香！厚度剛好，係有啲咬口嘅口感！手打豐盛丸拼盤 $118全部丸都幾好食！尤其蝦丸超爽口彈牙，蝦味都好濃郁！墨汁墨魚丸又幾香口，仲有咬口添。