全牛特選拼盤（A4宮岐牛三角腹肉/牛肋肉/牛里脊肉/牛胸腹/雪花牛小排)
日本和牛專門店嘅肉的確係唔同啲！所有部位，每一款肉都係非常優質，肉味濃郁。因為唔鍾意食牛舌嘅關係，店員好好幫我哋換咗另一款肉。
當中牛肋肉嘅肉味最濃，肉味好重之餘仲有咬口。牛胸腹肉
就最有口感，肉質最有彈性。當中A4宮岐牛三角腹肉同雪花牛小排個油脂都正到暈，一咬落去啲肉汁就咇晒出嚟。靚牛真係點燒都好味，慢慢燒，燒到有網紋勁正。
海鮮拼盤 （虎蝦/鮑魚/帆立貝）
海鮮拼盤食材新鮮，三樣裏便最好食係特大嘅海虎蝦，肉質結實，有蝦既鮮味；帆立貝肉質好甜，不過就唔算好大粒；鮑魚本身用日式做法，漬過調咗味，燒後仍保持到彈牙口感。整體都唔錯
