鍾菜館

营业中

休息中

數碼港停車場多充電位，泊車又有優惠。所以假日泊好架車去鍾菜館歎下茶都係一件樂事。鍾菜館環境古色古香，座位闊落，唔會好似一般酒樓咁人多就會好嘈。平日食飯時間比較多人外，假日會疏落啲。座位旁邊放置左個自動沖茶機，有加水、煲水功能，掃描QR碼就可以自助點餐，所以基本上咩都自己嚟，唔需要客服。我好少飲普洱，因為好多酒樓嗰啲都會好苦澀。但呢度啲普洱反而我好鍾意飲，唔澀，有茶味。點心如牛肉球內有馬蹄，食落爽口；黑毛豬叉燒腸啲叉燒好味，但如果個粉皮薄啲更好。大部分點心都整得唔錯，價錢唔太貴。陳皮炒河粉就覺得又貴又唔值，無肉，可能貴在啲陳皮絲，不過食到啲係陳皮嘅苦味而唔係甘味。雞白杏仁茶就好正，好香杏仁味，甜味適中。整體嚟講呢度係中午歎茶嘅好地方。