御前洋菓子 (已結業)

見到御前洋菓子推出左一系既綠茶甜品，真係好吸引。大約六點去到，唔駛等位，不過抹茶芝士撻就要去隔離排隊買，大約排左5分鐘。同朋友總共叫左4款甜品。滿抹茶燉蛋白 ($48) 滿嘅綠茶粉灑滿喺燉蛋白上面，見到都覺得興奮，燉蛋白做得幾香滑，甜甜的帶奶香，可惜呢個甜品嘅重點綠茶味一啲都唔濃郁，唔係好食到綠茶味，有啲失望。抹茶鮮牛油菠蘿包配日本茶 ($45)菠蘿包單買 (只限外賣) ($26)抹茶菠蘿包外表係幾吸引，可惜味道仍需改善🙄。呢個菠蘿包冇咗一般嗰種甜味，所以其實得個樣似菠蘿包，味道同菠蘿包好似無咩關係。重點係中間嘅抹茶牛油又無茶味，仲要好澀，到底點解會咁?讓特濃抹茶半熟芝士撻 ($25)我徹底失望嘅抹茶芝士撻, 芝士撻做到流心效果，但係茶味同芝士味都唔係好食到，淨係食到苦澀、咸味、同酸味, 同想像真係有差別⋯⋯抹茶法式焦糖燉蛋 ($48)呢個焦糖燉蛋算係做得比較好既一款甜品，燉蛋幾幼滑，帶淡淡既綠茶味同蛋香，面頭既焦糖燒得香脆，如果可以加強綠茶味會更加好。整體黎講覺得失望，希望小店可以改善食物質素。