更多
2016-12-17
2382 浏览
星期五晚两个人去撑枱脚，我就一直都想试佢嘅雪糕好耐，老公系牛扒达人，亦都一直想试吓呢间啲牛扒系点样。 入到去都几多人，发现每一台d野都好似一模一样。原来夜晚个Menu系set好晒得𠮶1000零一款，冇A La carte, 一定要叫牛扒set. 有选择困难症嘅朋友完全唔使担心。至于钟意拣嚟拣去嘅朋友，就真系Tough Luck 啦。如果冇记错，个set系有碟生菜沙律，上面有小许合桃碎，餐包，当然就系牛扒同埋薯条。酱汁有几款可以拣：都系大佬𠮶啲mushroom,pepper,蒜蓉etc . 讲真，块扒一般般。不过感动位一系佢会分开两次上。后半块会一直用蜡烛仔heat住，等佢唔好冻，见你食完头半块之后先会放落你只碟。佢啲薯条系好食嘅系幼款新鲜炸，同埋基本上可以无限refill。(不过讲真，你又可以食得几多，尤其系我哋呢啲中女,想肥死人咩)。我仲叫佢唔好加咁多俾我添，无谓浪费食物同自己quota。其实我觉得间餐厅最难忘嘅，系佢个雪糕。个样真系好有睇头，呃like 冇难度。建议记住要手脚快啲相机食先，如果唔系个雪糕斜塔有可能塌落来嚟。白色𠮶旧系好香滑嘅云呢拿Gelato ，红色系Rasberr
入到去都几多人，发现每一台d野都好似一模一样。原来夜晚个Menu系set好晒得𠮶1000零一款，冇A La carte, 一定要叫牛扒set. 有选择困难症嘅朋友完全唔使担心。至于钟意拣嚟拣去嘅朋友，就真系Tough Luck 啦。
如果冇记错，个set系有碟生菜沙律，上面有小许合桃碎，餐包，当然就系牛扒同埋薯条。酱汁有几款可以拣：都系大佬𠮶啲mushroom,pepper,蒜蓉etc .
讲真，块扒一般般。不过感动位一系佢会分开两次上。后半块会一直用蜡烛仔heat住，等佢唔好冻，见你食完头半块之后先会放落你只碟。佢啲薯条系好食嘅系幼款新鲜炸，同埋基本上可以无限refill。(不过讲真，你又可以食得几多，尤其系我哋呢啲中女,想肥死人咩)。我仲叫佢唔好加咁多俾我添，无谓浪费食物同自己quota。
其实我觉得间餐厅最难忘嘅，系佢个雪糕。个样真系好有睇头，呃like 冇难度。建议记住要手脚快啲相机食先，如果唔系个雪糕斜塔有可能塌落来嚟。白色𠮶旧系好香滑嘅云呢拿Gelato ，红色系Rasberry Sorbet, 中间夹块白色嘅蛋白糖饼。雪糕，sorbet ，Rasberry 酱 'Yaam' 埋一齐食好夹好refreshing卡路里急升都完全抛诸脑后食咗先算。
张贴
