MESSINA

砵甸乍街（又稱石板街）斜路梯級兩旁，有間具型格來自澳洲嘅雪糕甜品店叫 《MESSINA》， 在我眼內呢種一新一舊嘅配搭， 真係襯到絕。


雪糕店地方闊落舒適，買杯雪糕坐在一邊涼著冷氣一邊食， 非常舒服 。另外雪糕款色有幾十款之多， 一桶桶放滿在幾個雪櫃內， 睇見開心之餘亦唔知揀邊款味道好。最後揀咗幾款無咁濃味嘅味道 《焦糖奶醬》《椰子荔枝》《開心果仁糖》 。

3

4

2

1

2

做出來嘅雪糕奶味較重，入口非常順滑，味道濃郁但會偏甜，應該完全保留澳洲人甜品嗜甜口味。我㨂嘅3種味道中，最喜歡 《開心果仁糖》，牛奶雪糕配上開心果醬，再加上開心果仁糖。自家烘焙過嘅開心果仁糖口感脆脆，加上開心果醬味道，融入牛奶雪糕後，食時變得無咁單調。