景記咖啡 (已結業)

今日中午同屋企人去上環街市食晏，未試過哩間就坐低試試佢，叫左個時菜魚柳炒河。一送到黎就係時菜魚柳飯，我話叫左係炒河唔係飯，個店員就好差態度話我落左飯，但其實一路都係講炒河，係另一位店員下錯單，之後就不好態度下換炒河比我，不過真係唔換好過換。哩碟所謂炒河根本都冇點炒過，完全冇鑊氣，啲河粉又幼又碎，重要煮唔熟，食落生骨，舊魚又厚粉又凍，個汁又凍又油，我相信煮果個都唔會想放入口，咁都要賣成47蚊，所以個個番上去食唔好冇道理。