利寶閣

如果想食片皮鴨同埋糯米飯食飽的話，就即管比四百幾蚊入嚟食啦！

入到黎場面墟冚，人山人海，以為好掂，點知⋯⋯食到想反胃🤢

不停喺度等，不停喺度期待究竟啲蟹幾時上枱，等咗足足一個鐘頭之後，終於有幾隻蟹上枱喇！真心唔明白點解要等咁耐，明知道間餐廳係要做放題，點解唔可以出餐出得快啲，其實呢個係咪策略之一呢？係咪唔想出得咁快俾人食呢，如果係咁就唔好學人做放題啦。

一打開就係嚇死你阿媽系列，黑色架入面

不過一打開隻蟹見到咁嘅質素，如果唔驚食物中毒，即管放馬過嚟啦！

由於啲蟹足足等咗一個鐘，期間唯有不停食片皮鴨⋯⋯

總之一句到尾，呢間野，冇下次！🤮🤮🤮 比呢個價錢，寧願自己同幾個知心好友夾份買籮蟹返屋企食啦