影片
更多
2014-12-07
1254 浏览
經團購買左bbq加火鍋見係新開諗住試下book左1830,部份朋友到左先,話要大爐嘅要加幾十,唔加得細爐咁團購咁平...加多幾十都覺得正常我7點去到,見到朋友攞左d野食, 有豬大腸蒜蓉包,雞全翼等 睇落都唔錯點知只係曇花一現,以上嘅食物只係出現過一次!一次!一次咋!我由7點燒到10點,什麼牛扒雞扒我不知是何物 亦只係見過豬扒一次,在場人士都保特上身,0.99秒就衝左過去,用左1.01秒先去到嘅我,連豬扒都冇得食呀!雞翼就好彩d 見到2至3次, 丸呀腸呀同蔬菜類我相信真係冇限量架不過4個凍柜有4個夾,個場雖然唔係好爆,但都過百人丫,廿幾三十人輪一個夾,2046年應該攞到個夾所以我直接用碟鏟起食物反去燒.well, 幾經辛苦攞到食物,表面上佢係醃過嘅肉,實際上佢係冇醃過嘅味. Amazing算啦,佢話包火鍋,咁我諗火鍋應該會冇咁伏學韜韜話齋,火鍋最緊要係咩,係個爐丫嘛.我諗場地都知,所以一早準備左個爐,其他野都唔重要,所以個湯底要等30分鐘...由於冇得揀湯底嘅關係,我用拆kinder出奇蛋個玩具嘅心情期待依30分鐘會出個咩湯底個湯底真係出奇過出奇蛋入面有另一隻出奇蛋...竟然清水.嚴格黎
見係新開諗住試下
book左1830,部份朋友到左先,話要大爐嘅要加幾十,唔加得細爐
咁團購咁平...加多幾十都覺得正常
我7點去到,見到朋友攞左d野食, 有豬大腸蒜蓉包,雞全翼等 睇落都唔錯
點知只係曇花一現,以上嘅食物只係出現過一次!一次!一次咋!
我由7點燒到10點,
什麼牛扒雞扒我不知是何物
亦只係見過豬扒一次,在場人士都保特上身,0.99秒就衝左過去,用左1.01秒先去到嘅我,連豬扒都冇得食呀!
雞翼就好彩d 見到2至3次, 丸呀腸呀同蔬菜類我相信真係冇限量架
不過4個凍柜有4個夾,個場雖然唔係好爆,但都過百人丫,廿幾三十人輪一個夾,2046年應該攞到個夾
所以我直接用碟鏟起食物反去燒.
well, 幾經辛苦攞到食物,表面上佢係醃過嘅肉,實際上佢係冇醃過嘅味. Amazing
算啦,佢話包火鍋,咁我諗火鍋應該會冇咁伏
學韜韜話齋,火鍋最緊要係咩,係個爐丫嘛.我諗場地都知,所以一早準備左個爐,其他野都唔重要,所以個湯底要等30分鐘...
由於冇得揀湯底嘅關係,我用拆kinder出奇蛋個玩具嘅心情期待依30分鐘會出個咩湯底
個湯底真係出奇過出奇蛋入面有另一隻出奇蛋...竟然清水.嚴格黎講係雙蔥清水(包含洋蔥及蔥).
水同蔥可以出咩味?
即係清水煮出前一丁唔落麻油同味粉有咩味?(場地真係有公仔面提供,但係冇調味粉)
你都可以用十幾蚊同場地買反d調味料如辣油調出公仔面嘅鮮味嘅.
Btw,飲品嘅供應量真係好多,品種都多,走嘅時候先醒起,可以倒左個湯底,用可樂做湯底,整個可樂雞翼.
有機會再黎而場地水準不變一定要試下.
最後bbq場黎講,佢個廁所堅乾淨,可謂bbq場嘅太古廣場.
张贴