御前上茶 (已結業)

今日即興喺V City 食晚飯，周圍行揾下有乜好嘢食。經過見到佢地放出來塊board上面張相有大大杯抺茶聖代好吸引，抺茶控即時發作，決定晚飯留肚歎返杯抺茶聖代減減壓先餐廳環境無乜私人空間，好似商場中間圍咗啲欄咁樣。不過好在人流不多，可以靜靜地傾計歎雪糕。一早鎖定要點個聖代，點咗雙色-靜岡焙茶加抺茶，一於兩隻味一齊試哂Outlook: 樣子非常似樣，如menu圖一樣無毁容味道方面：雪糕:茶味非常濃郁，抺茶味道清甜，不是好甜又多奶味那種。焙茶甘香有點點玄米味香十分特別，比抺茶更為出色（應是本店的signature 吧？） 白玉夠煙靭。雪糕下面有多層材料：脆脆，豆腐，紅豆，抺茶啫哩。脆脆似popcorn, 可以再脆多少少。可能食了上面較甜的雪糕，豆腐味被遮蓋有點淡口。抺茶啫哩都嘗到淡淡抺茶味，不甜的。紅豆都夠腍同少少甜，配起豆腐和抺茶啫哩食就match哂。食完抺茶desserts: stressed即倒轉變de-stressed 了！另外值得讚賞係，職員似乎好energetic 有朝氣，我都係7pm 經過見佢熱情歡迎人去試下，決定飯後來試試咋。希望繼續keep it up