影片
更多
2015-10-21
1247 浏览
距離上次光顧已經成個月了，上次吃時只有4個餐，仲要3個係貴夾唔抵既扒餐，淨底一個就係無肉既意粉，真係完全選唔落手，本來決定唔會再泥，但好耐無見既朋友約好左響度，話近佢放工，環境又好啲可以傾下計，唯有張就一次啦…奇怪今次餐牌回復正常，食物種類同款式都親民返好多，好奇之下問一問店員，原來之前專做扒既廚師已經離開左…… Wonderful, 呢啲野食咪正路囉……我今次終於選到餐，叫左個A餐焗豬扒飯，估唔到又幾正喎，豬扒好JUICY，茄汁甜中帶酸、酸中帶甜，愈食愈開胃，面頭仲有層焗得幾香既芝士，唔錯！本泥仲有餐湯同沙律，不過一開始無乜期望就無影到相，其實湯跟沙律都唔錯的，是羅宋湯和蘋果青瓜沙律，都幾FRESH！但不得不提既係是日廚師新鮮做既梳乎厘，又滑又香，超好味！本來想外賣一個比屋企人，問左店員有無得外賣，佢話呢個甜品暫時每日限做20個，而且只係跟晚餐送！可惜啊！希望遲啲可以加入主菜牌比人ORDER啦！ 另外，不得不提朋友叫既素食餐，佢試完個蘑菇波波之後讚不絕口，質左一粒比我吃，嘩！真係好過引，唔識形容，總之好特別，無試過咁既口味既蘑菇！有趣！總括而言今次比上次經驗完全兩回事，希望呢度可以K
奇怪今次餐牌回復正常，食物種類同款式都親民返好多，好奇之下問一問店員，原來之前專做扒既廚師已經離開左…… Wonderful, 呢啲野食咪正路囉……
我今次終於選到餐，叫左個A餐焗豬扒飯，估唔到又幾正喎，豬扒好JUICY，茄汁甜中帶酸、酸中帶甜，愈食愈開胃，面頭仲有層焗得幾香既芝士，唔錯！
本泥仲有餐湯同沙律，不過一開始無乜期望就無影到相，其實湯跟沙律都唔錯的，是羅宋湯和蘋果青瓜沙律，都幾FRESH！但不得不提既係是日廚師新鮮做既梳乎厘，又滑又香，超好味！
本來想外賣一個比屋企人，問左店員有無得外賣，佢話呢個甜品暫時每日限做20個，而且只係跟晚餐送！可惜啊！希望遲啲可以加入主菜牌比人ORDER啦！
另外，不得不提朋友叫既素食餐，佢試完個蘑菇波波之後讚不絕口，質左一粒比我吃，嘩！真係好過引，唔識形容，總之好特別，無試過咁既口味既蘑菇！有趣！
總括而言今次比上次經驗完全兩回事，希望呢度可以KEEP到呢個水準啦！
张贴
