影片
更多
2017-01-07
1119 浏览
今日喺九龍寨城公園同表姪女踩完健康單車，夜晚約左班豬朋狗友但係又未夠鐘，就周圍踱下散下步睇下今晚食乜好，見到周圍都係泰國菜館，我尋晚又啱啱先食完泰國野，真係要諗諗辦法至得，好彩行行下俾我發現呢間中菜館，望落個感覺唔錯喎，即刻坐入去開定支啤酒等佢哋先。香煎蓮藕餅，蓮藕餅兩邊都煎得勁香，豬肉嘅肥瘦適中，輕輕有少少肥令到口感增添，特別鍾意佢上面有啲切碎咗嘅金華火腿，提升咗成個鹹香嘅味道，同肉餅嘅味道亦都 都好夾，最重要係食得出佢入面仲有細細粒嘅蓮藕粒，嗰種爽脆嘅口感真係要自己親身試過先至感受得到。古早醬油黑叉燒，呢味餸之前睇其他博客嘅相，見到佢完美嘅半肥瘦比例已經口水都流埋，今晚餐飯可以話係為咗佢而黎嘅，果然無令到我失望，餐廳選用咗半肥瘦嘅部位，啲啖肥膏香而不膩，試過油脂喺個口入面傾嚇爆發出嚟嘅感覺，你就知道乜嘢叫叫滿足感，個醬汁有少少似糖醋排骨，不過多咗啲醬油同埋酒嘅香味，不得不提唔知係咪因為佢有焗過嘅關係，佢嘅外皮竟然有少少脆口，食咗三十幾年叉燒，就咁俾佢癲覆咗我以前對叉燒嘅感覺，原來叉燒係可以咁好味㗎，唔該，俾多兩碗白飯丫。食咗兩味肉要叫番啲菜嚟平衡一下喇，清清地就揀咗上湯浸金銀蛋莧菜
香煎蓮藕餅，蓮藕餅兩邊都煎得勁香，豬肉嘅肥瘦適中，輕輕有少少肥令到口感增添，特別鍾意佢上面有啲切碎咗嘅金華火腿，提升咗成個鹹香嘅味道，同肉餅嘅味道亦都 都好夾，最重要係食得出佢入面仲有細細粒嘅蓮藕粒，嗰種爽脆嘅口感真係要自己親身試過先至感受得到。
古早醬油黑叉燒，呢味餸之前睇其他博客嘅相，見到佢完美嘅半肥瘦比例已經口水都流埋，今晚餐飯可以話係為咗佢而黎嘅，果然無令到我失望，餐廳選用咗半肥瘦嘅部位，啲啖肥膏香而不膩，試過油脂喺個口入面傾嚇爆發出嚟嘅感覺，你就知道乜嘢叫叫滿足感，個醬汁有少少似糖醋排骨，不過多咗啲醬油同埋酒嘅香味，不得不提唔知係咪因為佢有焗過嘅關係，佢嘅外皮竟然有少少脆口，食咗三十幾年叉燒，就咁俾佢癲覆咗我以前對叉燒嘅感覺，原來叉燒係可以咁好味㗎，唔該，俾多兩碗白飯丫。
食咗兩味肉要叫番啲菜嚟平衡一下喇，清清地就揀咗上湯浸金銀蛋莧菜，用匙羹舀啖上湯黎試下先，清清哋好好味，鹹蛋白嘅蛋花同鹹蛋黃互相輝映，襯住啲莧菜嚟食就最好不過啦，屬於配菜嘅蒜頭都唔野少㗎，粒粒都被炸得金黃香口，我一連食咗好幾粒先至同愛人黎個法式濕吻，爽歪歪。
食飽飽又係嗌啤酒傾計時間，送啤酒最好就梗係嗌椒鹽系列啦，一致公投之下揀左椒鹽鮮魷，魷魚新鮮唔在講，每一件都炸到外卜卜脆，上面仲有少少嘅紅辣椒，提供刺激，無論淨食抑或點喼汁都十分之正。
酒過三巡，歡樂嘅時間過得特別快，又係時間講拜拜，今晚係本年度最後一次同穆斯林兄把酒狂歡，期待我地3月再次見面。
张贴
