陳漢記 (已結業)

中午黎大埔行，就問個大埔朋友到食個lunch, 咁佢就推介左呢間老字號「陳漢記」，諗住去試一試。去到嗰時未到繁忙時段，唔使等位直入，入到去坐位都唔算太逼，咁我就叫左個雞粥同埋豬潤腸粉。之前食過元朗發記嘅雞粥就迷上左，發覺呢間嘅雞粥，一碗用嘅雞冇咁多，粥底嘅雞味亦都冇咁濃，但呢碗粥勝左雞比較滑，冇咁老。到腸粉啦，我本身麻麻地豬潤，但見到openrice 上面咁多人講，所以都想試下，但我果然都係麻麻地，但呢個豬潤的確做到好爽。