鼎豐雞煲泰國菜 (已結業)

好少見到雞煲會同泰國菜融合一齊，一間餐廳可以滿足兩個慾望，梗係要來試吓啦！招牌鼎豐雞煲有睇開我文章嘅人都知道我好鍾意食辣，食得雞煲緊係揀個中辣過下癮，醬汁味道好濃，入哂雞件，雞肉嫩滑唔多碎骨，而且半隻雞嘅份量比起一般嘅多，鍋底有足夠嘅花椒、八角、洋蔥、大蔥、蒜頭、薑片去幫手調味！美國肥牛叫半隻雞煲就送半份牛肉，雪花分布平均，食落有牛香而且好易咬口。已肥牛質素佢講，呢啲人真係好高質。手打墨魚丸丸類全部手工貨，明顯更加爽口彈牙！丸裏面有好多墨魚肉，面頭仲鋪上咗蟹子，貨真價實。泰式酸辣鳳爪鳳爪去骨去得非常完整，菜式相對酸一啲，微辣， 超級滋味又開胃。泰式柚子蝦沙律超級正宗嘅泰國風味，中秋時分就係食柚子嘅最佳時間，所以特別清甜，多汁，花生脆口，蝦肉結實彈牙，配上櫻花蝦米仔嘅鹹香，真係食唔停口，不過食到底，醬汁會少少鹹。椰汁西米糕食完熱辣辣嘅嘢，梗係要返個甜品中和一下。椰汁西米糕做到軟糯嘅效果，西米晶瑩通透，椰子cream好滑身。飲品泰式奶茶、龍眼冰都非常地道。而且一杯，足足係兩個人嘅份量，兩杯都叫咗少甜，食住雞煲飲真係又夠解渴！👍🏻👍🏻餐廳用餐枱櫈非常闊落，職員好殷勤，仲不停幫我哋換碟。💡餐廳