川婆婆 (寶勒巷) (已結業)

🌶️鍾意食辣嘅人一定認識川婆婆。一行入鋪頭，已經聞到好香川味同燒烤味。我地揀左靚牛牛串套餐，包左牛小排同埋送左時令海鮮同雞煲。🥢套餐可以一次過滿足4個願望， 邊食雞煲，邊打邊爐，我地揀左麻辣火鍋+養生火鍋，食完雞煲仲可以轉燒烤盤。🐓雞煲唔算辣但秘製醬汁好濃味，件件雞都沾滿醬汁，唔夠雞仲可以添🌶️麻辣火鍋夠惹味夠辣，放題區有好多好啱食麻辣湯底嘅配料，例如：午餐肉，豆干，鴨血，寛粉。雖然好辣 但吸晒d麻辣湯真係好正🐮牛小排厚度適中，肥瘦適中，用麻辣湯淥都食到牛香味🍄另一個養生菌王雞湯 ，菌味好香濃，唔駛怕套淡，用黎濃菜同海鮮好入味🦐時令海鮮有鮑魚、海蝦、花甲同小蟶子。鮑魚質素唔錯 ，花甲有一兩隻有沙🍡放題區好多串串同配料，串串形式好過癮。特別推薦必食牛丸，係爆汁牛丸🥢食完雞煲轉燒烤盤，燒烤食物嘅種類都好多 ，羊肉串 ，肥牛金菇卷，雞翼等。醃得好入味，鐵板熱度適中，輕鬆就可以燒到靚雞翼。🥤飲品有汽水、茶同竹蓆茅根。好值得讚揚汽水係玻璃樽裝，我最愛❤️整體呢個價錢可以有咁多個體驗真係好開心，環境都好適合一班人傾偈