小王牛肉麵 (已結業)

Lunch時間全個德福都爆場，今日約靚女朋友食午飯，我12：45到小王，等左5分鐘就有位，店員很有禮貌地帶我入坐。午餐時段選擇很多，麵食是主打，場內比較多食客揀麵，我們就點了各一。鹽酥雞扒麵雞扒勁大件，大過靚女塊面兩倍，具視覺效果，雞扒炸得很脆，雞肉亦不失軟滑，肉汁保存得很好。麵滑，口感夠彈牙。 台式肉燥香酥雞球飯相比鹽酥雞扒麵，賣相相對是失色左少少，但值得一提是雞皮炸得非常香口，肉燥的味道也是我欣賞的，因為沒有多餘肥肉，咸度也剛剛好，撈飯感覺開胃，的確唔錯呀。