影片
更多
2024-04-29
749 浏览
呢间其实多人帮衬都有原因嘅，食左湾仔咁多间烧味店，呢间嘅味道又真系几好，食物系OK！可惜最大问题系佢食物嘅份量好似好货不对办。嗌个烧味双拼饭，鸡拼烧鹅，帮衬佢10次有九次鸡系会比鸡翼（纯粹个人体验，但冇理由咁q嫁麻系咪？），仲唔系鸡全翼，份量少得出奇之余，唔知系咪想掩人耳目好似做到俾足份量你咁，会将一只细细嘅鸡翼切开6-7件拼埋去，睇落似有好多肉咁，觉得有啲揾笨。转鸡髀加钱我就明啫，一个好啲嘅部位，价钱先食到都应该，但唔代表唔加钱我冇机会抽到鸡髀㗎嘛。唔讲鸡髀，咁鸡翼呢？如果次次双拼都系拼鸡翼，咁不如你叫单拼鸡翼饭，默认配鸡翼，咁就合理啲，价钱又可以平番啲。六十零蚊一个中午饭，俾只鸡翼你嚟唔嚟谱。至于烧鹅，又系俾啲奇怪位，永远都系会切到啲得浸皮黐住个壳嘅部位，真系想揾多旧肉都难。食完非常之唔饱，感觉只系食咗阵烧鹅皮同埋一只鸡翼嘅烧味双拼饭。接住落嚟当然就系要讲吓服务态度啦，一如既往多人帮衬嘅舖头永远都系好似唔休做咁，啲伙计系唔会理你，亦都唔需要态度好。（纯粹个人感受）十问九唔应，感觉非常之冇礼貌。今时今日咁嘅服务态度系唔得㗎。不过冇计，可能知道多人帮衬，都唔使点理你。但你唔好忘记，疫情
可惜最大问题系佢食物嘅份量好似好货不对办。嗌个烧味双拼饭，鸡拼烧鹅，帮衬佢10次有九次鸡系会比鸡翼（纯粹个人体验，但冇理由咁q嫁麻系咪？），仲唔系鸡全翼，份量少得出奇之余，唔知系咪想掩人耳目好似做到俾足份量你咁，会将一只细细嘅鸡翼切开6-7件拼埋去，睇落似有好多肉咁，觉得有啲揾笨。转鸡髀加钱我就明啫，一个好啲嘅部位，价钱先食到都应该，但唔代表唔加钱我冇机会抽到鸡髀㗎嘛。唔讲鸡髀，咁鸡翼呢？如果次次双拼都系拼鸡翼，咁不如你叫单拼鸡翼饭，默认配鸡翼，咁就合理啲，价钱又可以平番啲。
六十零蚊一个中午饭，俾只鸡翼你嚟唔嚟谱。至于烧鹅，又系俾啲奇怪位，永远都系会切到啲得浸皮黐住个壳嘅部位，真系想揾多旧肉都难。食完非常之唔饱，感觉只系食咗阵烧鹅皮同埋一只鸡翼嘅烧味双拼饭。
接住落嚟当然就系要讲吓服务态度啦，一如既往多人帮衬嘅舖头永远都系好似唔休做咁，啲伙计系唔会理你，亦都唔需要态度好。（纯粹个人感受）十问九唔应，感觉非常之冇礼貌。今时今日咁嘅服务态度系唔得㗎。不过冇计，可能知道多人帮衬，都唔使点理你。但你唔好忘记，疫情时候向政府申请抗疫基金都系纳税人出钱帮你。希望餐厅可以以提升服务质素。
虽然一路都有帮衬，但依家真系忍唔住，决定以后唔帮衬。希望其他客人都可以有骨气啲，唔好纵容呢啲食肆。相信一定有啲更好嘅选择。
$60
12 浏览
0 赞好
0 留言
张贴
