麻辣風雲 (荃碧大廈) (已結業)

嗰日同個friend兩個唔係好食得辣嘅人 竟然走咗入麻辣風雲入面食飯😂 唔知道有冇人明嗰種唔食得辣 但係如果係酸辣嗰種辣又ok嘅嗰種感覺🤪 由於我地唔太食得辣 所以一打開menu見到紅噹噹嘅就即刻飛 只係朝住我哋嘅最愛——酸辣進發😆 諗都唔洗諗就嗌嘅就緊係呢度嘅招牌酸菜魚啦🐟 酸菜魚可以自己揀酸度同辣度 我哋揀係揀最少嗰個辣度啦🙈辣度食落去唔會太過乸脷 個酸度就真係啱啱好 酸得嚟又唔會話好嗆鼻 超級開胃👍🏻 同出面食開嘅一樣 除咗主角魚之外 都有啲基本嘅配菜 例如窩荀 豆卜薯粉等等 所以真係唔使驚唔夠飽🤘🏻魚肉嘅份量就適中啦 係台灣品種嘅黑魚 薄片冇骨 食落去都幾滑嫩 抵食💰再用啲湯撈飯食簡直一流🍚 我哋再一人揀咗一份小食食 朋又揀咗泡椒鳳爪 我就鐘情於酸辣 揀咗個酸菜炒肥腸😝 唔好睇個鳳爪好似一啲都唔深色就唔辣咁 嘩 佢個泡椒堅辣 搞到我哋狂灌水💦不過佢啲鳳爪又真係幾肥美 唔係只得骨比我地倫🦶🏻至於個酸菜炒肥腸就更加唔洗講 超邪惡😈啲肥腸連埋啲酸菜同大蔥炒到好入味👅一啲內臟嘅臭味都冇 同埋份量都好多下 如果攞嚟送飯食我諗三碗都冇難度😎 兩個人share一個酸菜魚再嗌嗌2個小菜已經飽到