影片
更多
2021-03-22
98 浏览
近幾年大多數新開嘅茶餐廳又興返叫做冰室，但食物就同普通茶餐廳無異。今次我地去食嘅冰室就唔同啦，唔係普通A、B、C餐同常餐，而係鹹豬手、漢堡包同熱狗。.西班牙伊比利亞黑毛豬芝士漢堡包🍔 單點$68 套餐 $88 (可選粗薯條/香炸薯角/七味香炸花枝丸/瑞士雞翼) 首先就揀咗依款餐牌上推薦嘅黑毛豬芝士漢堡包，西班牙伊比利亞嘅黑豚肉肉質鬆軟，完全唔會食到好硬或者好腍嘅筋同脂肪，而且熟度啱啱好，好Juicy。餐廳亦無用大量嘅調味料去醃製，所以食落去就只有濃郁嘅肉味，唔好覺得好鹹。另外仲有蕃茄🍅、洋蔥🧅、生菜🥬、蘑菇做配料。有時蕃茄會浸濕晒塊麵包，但可能因為餐廳本身已經將麵包烘到好乾身，所以依個漢堡包就無依個情況，唔會濕漉漉或者扁塌。.漢堡包當然要配薯條🍟，薯條係粗薯條，即叫即炸，唔會太多鹽，味道剛剛好。.火焰芝士肉醬熱狗🌭 套餐 (可選粗薯條/香炸薯角/七味香炸花枝丸/瑞士雞翼) 單點$45 套餐 $65另一個餐就叫咗芝士肉醬熱狗，面頭有一大片炙燒過嘅芝士🧀，燒過之後特別香。麵包同樣烘得好香脆，入面仲有小心機，搽咗牛油蒜蓉醬，配埋煎得脆卜卜嘅法蘭克福腸同芝士肉醬食，層次好豐富，好惹味，配埋熱狗
.
西班牙伊比利亞黑毛豬芝士漢堡包🍔 單點$68 套餐 $88 (可選粗薯條/香炸薯角/七味香炸花枝丸/瑞士雞翼)
首先就揀咗依款餐牌上推薦嘅黑毛豬芝士漢堡包，西班牙伊比利亞嘅黑豚肉肉質鬆軟，完全唔會食到好硬或者好腍嘅筋同脂肪，而且熟度啱啱好，好Juicy。餐廳亦無用大量嘅調味料去醃製，所以食落去就只有濃郁嘅肉味，唔好覺得好鹹。另外仲有蕃茄🍅、洋蔥🧅、生菜🥬、蘑菇做配料。有時蕃茄會浸濕晒塊麵包，但可能因為餐廳本身已經將麵包烘到好乾身，所以依個漢堡包就無依個情況，唔會濕漉漉或者扁塌。
.
漢堡包當然要配薯條🍟，薯條係粗薯條，即叫即炸，唔會太多鹽，味道剛剛好。
.
火焰芝士肉醬熱狗🌭 套餐 (可選粗薯條/香炸薯角/七味香炸花枝丸/瑞士雞翼) 單點$45 套餐 $65
另一個餐就叫咗芝士肉醬熱狗，面頭有一大片炙燒過嘅芝士🧀，燒過之後特別香。麵包同樣烘得好香脆，入面仲有小心機，搽咗牛油蒜蓉醬，配埋煎得脆卜卜嘅法蘭克福腸同芝士肉醬食，層次好豐富，好惹味，配埋熱狗入面嘅生菜，唔會覺得好油膩。
.
依個餐嘅小食就揀咗花枝丸，炸得幾香口，食到粒粒花枝，但份量就少咗啲啦。
.
朱古力脆脆 特飲+$8
飲品方面就叫咗特飲朱古力🥤，本來以為只係上面加咗彩色棉花糖同忌廉，無咩特別，但原來忌廉底下有一層朱古力脆片🍫，又幾得意喎。朱古力嘅味道都幾濃厚，就算啲冰溶咗，都唔會淡咗味。
.
玫瑰花果茶 特飲+$8
另一杯飲品就叫咗玫瑰花果茶🌹，職員仲提醒需要等5-10分鐘，相信係希望將花果茶焗到出味先上菜俾客人，幾細心。
.
大兄冰室嘅食物選擇都有好多，唔只得漢堡包同熱狗，仲有鹹豬手、蕃茄湯粉麵🍲，唔似係一般茶餐廳，而且食物擺盤都幾靚，好似貼地版嘅Cafe咁，睇得出餐廳落咗好多心思。裝潢亦有唔少港式味道🇭🇰，用咗霓虹燈做佈置，枱凳就好似中小學班房咁，好懷舊。我哋都覺得值得再Encore嚟試下其他菜式😋。
张贴
