皇冠(呂宋芒)專門店 (耀華街)

前兩日同朋友食完晚飯，去咗附近一間糖水舖，點知一入座就已經被嚇親 , 服務員全程黑面，態度極差。睇緊餐牌諗緊食咩嘅時候，黑面服務員就過嚟催落單，問多兩句仲要一副不耐煩嘅樣。

我哋點咗金玉滿堂同芒果西米露，但味道真係令人失望。芒果汁有D似藥水嘅怪味，西米又冇口感，完全唔值呢個價錢。

更誇張嘅係，坐咗唔夠二十分鐘，出面根本冇人排隊，佢哋竟然急急腳清晒枱面，仲邊抹枱邊趕人走，態度極為惡劣。真係估唔到香港仲會有咁嘅服務態度，完全冇客氣同專業可言。以後肯定唔會再去！