375 Chicken 'n Fries (萬興商業大廈) (已結業)

之前開張嘅時候sell得好勁，周圍都係375雞堡嘅post，今日終於有機會食到，都好失望😢*BBQ風味雞堡 $85一睇個樣已經輸咗，俾我感覺求求其其。375主打炸雞扒，雖然雞扒有厚度，但係肉質唔夠嫩。炸皮基本上一打開已經腍晒，仲有啲甩皮添。BBQ醬汁惹味，恰到好處又唔要遮住雞肉味。餐牌寫到有洋蔥酸奶油薯片，但係我唔太食得出有薯片。漢堡係potato roll，但冇薯仔香味，鬆軟但冇彈性，質素好~普通。薯條 (中) $35普通，毫無記憶點，唯一記得係好快腍晒。