朋友用會員優惠，送燒鵝一隻，去到點菜，我哋都有嗌其他餸，本來食得好開心，點知好戲在後頭……收錢嘅時候先至同我哋講，原來隻燒鵝係要照收加一服務費，總共$59.8
$59.8唔係貴，但奇怪嘅係，半隻燒鵝原價$248 ，呢隻送嘅燒鵝點解會抬高個價，標價$598 ？
更激氣嘅係，我地本身禮貌地問經理點解燒鵝講明係送嘅，但原來要俾$59.8 ？陳經理用好惡劣嘅態度問返我哋「咁我有冇講過唔收你服務費啊？冇講過唔收，就即係收啦！ ！ ！我哋不嬲都有收嘅！ ！ ！你唔俾嗰$60我就報警！ ！ ！」
我哋好聲好氣問個經理，可唔可以攞個條款出嚟俾我哋睇清楚？如果真係有寫我哋可以比，但佢話：「我唔會俾你哋睇！我哋不嬲都有收，所以今次都一定要收！！！」
今時今日咁嘅服務態度，再加暗黑條款，真係好離譜！
個經理仲恐嚇我哋，話要報警，又話我地唔滿意就去消費者委員會投訴，但點都要俾錢先走！
本人已中伏，警惕各位街坊……🥲🥲🥲
1
