Yuyu Sushi

前排去長沙灣探朋友時，沿路見到街上好似無咩特別既餐廳，經朋友帶路，入左呢間日本餐廳。

日本餐廳當然要食壽司。我地叫左火炙三文魚，大拖羅，帆立貝，玉子燒，豆皮，油甘魚。整體壽司都唔錯，新鮮，大細適中。

串燒。推介雞肉大蔥，大蔥清爽，雞肉鮮嫩，呢個組合非常之夾。而其他串燒比較重口味，適合配上酒類飲品。

饅魚茶漬飯

鰻魚茶漬飯。湯底偏清淡，配上烤過既飯團，食到最後味道剛好唔會覺得太咸。

土佐豆腐

土佐豆腐。豆腐加上木魚碎一齊炸，嫩滑又帶點酥脆口感。


整體用餐滿意，係長沙灣普遍都係見到茶記同連鎖快餐，突然都食日本野不妨考慮一下。