好煮意 (裝修中)

本身諗住去流水響睇落羽松，但諗諗吓都係太遠，最後貪方便去青衣公園睇😁 出發前俾我搵到公園裡面有餐廳，附近又有爛地停車場，Lunch 啱晒！當我第一眼見到間餐廳原來就喺園池旁邊真係幾驚喜！餐廳有室內同室外，我地想對住個景所以擇坐出面啲摺檯，一直都有自然風吹過都幾涼爽！我叫左F餐 日式炭燒豬頸肉烏冬，烏冬係噹噹烏冬個種口感，豬頸肉大塊幾厚但食落有陣騷味，即刻面色一沉，所以對食物質素唔好太大期望，眼前景觀先係賣點。可以一路食嘢一路望景的確令人寫意！食完就可以出去周圍影下相啦🙂