榮華南洋冰室

营业中

休息中

星期日同A姐行吓上環，感受一吓老香港嘅生活同景象，令我哋回憶起香港從前嘅美好時光。行吓行吓，行到差館上街見到呢間藍色嘅建築，原來係以南洋風情為主打嘅榮華南洋冰室。餐廳設計用上南洋風情嘅瓦仔地板、木枱木凳，好有去咗旅行嘅感覺。蒜香牛油雞翼小食叫咗蒜香牛油雞翼，一份6隻，炸到金黃色嘅雞翼上面鋪上大量嘅炸蒜，令雞翼更加香口。外皮炸得鬆脆，雞肉又嫩又多汁，仲有淡淡嘅牛油香，好香脆好惹味。炭燒豬頸肉飯原本想食嘅海南雞飯，可惜售罄，退而求其次梗咗炭燒豬頸肉飯，個一啲都無令我失望。加上燒汁嘅豬頸肉燒到微焦，索晒燒汁嘅味道，豬頸肉嫩滑彈牙，肉汁味十足！最後飲埋夠晒解喝嘅青檸梳打。