十一冰室 (已結業)

前日去完修頓睇比賽，就上網睇睇附近有咩地方食個下午茶醫肚，揾到呢間新開張嘅冰室，而且地鐵站過去都係五分鐘左右，就拉大隊過去。沿住玩具街行到盡見到右邊嘅酒店，就會見到冰室嘅燈牌，雖然位置唔太起眼，但燈牌同藍色牆身就非常起眼！冰室行懷舊香港風，好多舊式擺設，甚至連天花板都吊住包牛仔片😂 2:30下午茶就開始，同時都可以嗌午市餐牌嘅食物。紅豆奶茶🥤好大杯，甜度同冰量岩岩好，對上一次飲紅豆奶茶嘅餐廳索價$45，十一冰室只需要下午茶餐+$12就可以享用，我敢講質素拍得住出面其他餐廳！特餐 雞扒炒蛋一丁麵🥚🍜雞扒絕對係重量級！大大件碎上，而且好好味。炒蛋炒得好香好滑，有蛋汁！+$4轉左出前一丁。厚切午餐肉+$10就有咁大塊咁厚嘅午餐肉，半煎炸又熱辣辣，建議大家怕唔夠飽可以加料！香酥雞翼即炸雞翼！外層炸得好香脆，裡面嘅肉好滑，如果可以整做香辣雞翼就正！